الغاية
 

[poem=font=",6,,normal,normal" bkcolor="transparent" bkimage="" border="solid,7," type=0 line=0 align=center use=ex num="0,black""]
الغاية اللي تجاذبني وجاذبها=
هي جوهر القصد ولا مالنا طلابه=

ماشاب رأسي سوى كثرة تحطبها=
تقول في وسط صدري فوج حطابه=

شبنا وحنا بها لدنيا نطالبها=
ومن طال ممشاه لازم تتعب ركابه=

ياصاحبي درتها ودارت دوالبها=
حسبي على وقتي اللي دار دولابه=

تعبت منها تحاربني وحاربها=
وحنا بها بين شراية وجلابة=

حزات تغلب لنا وحزات نغلبها=
وحزات تاقف برأس الريع مرتابة=

تدري ولو طالت اليمنى غواربها=
خليتها مرقب(ن) للطيب يرقابه=

يقطعك فيد(ن) اذا بالجمع أحسبها=
وأحط عن ضيعة الأرقام حسابه=

ان كان ماخيرها مترف جوانبها =
وش عاد لوأقبلت بألوان جذابة=

ماعدت مغرم بها ولاعدت طالبها=
ورزقي بكف الذي ماخاب طلابه=

ولاعاد بالنفس باقي هم متعبها=
الا علوم(ن) توارد فكر وكتابه=

للعز ربع(ن) لنا قفت مراكبها=
في وقتهم كل ذيب(ن) كاظم(ن) نابه=

واليوم دون الذيابة ذي ثعالبها=
تزور زور الأسود بمدخل الغابة=

ياحيلة الله على الدنيا ومقالبها=
والله وأكبر على وقتي وماجابه=

أنخى ربوع(ن) على كفي أحسبها=
بقية اللي بقى من ماتعزوابه=

وأخص من هو لياضاقت معزبها=
عزام جزام بأمره لاتبدى به=

اللي على ذروة الطولات مركبها=
وان كان ماجالها جاته على بابه=

له تنحني طايعة من خوف يغلبها=
وليا عصت ردها في رأس مشعابه=

بعض السعة ياعزيز النفس تذربها =
وبعض الحياء دون حقك لاتذرابه =

طالت بها وذاب واجبها بحاجبها=
والناس مابين كذابه ونصابه=

ان كان ما للقضية غيض يوجبها=
راحت بيدين المعادي سرق ونهابه=[/poem]

رد: الغاية
 

[size=6][color=#722C70][glow1=000000]حمود

صح لساانك واعتلااا شانك

لاهان راسك

كتبت فأبدعت

دمت بخير[/glow1][/color][/size]

رد: الغاية
 

حمود السكراني


سلمه الله


ابيات جميله ومعبره


لاهنت

وصح السانك


تحيتي وتقديري

رد: الغاية
 

ياسلام عليك
ابيات رائعة
وجزلة
بارك الله فيك
تحياتي

رد: الغاية
 

الأخ الشاعر : حمود السكراني

صح لسانك

نص وافي من وافي

تقديري,,,,,,,,

رد: الغاية
 

جميل جدا يا حمود

قصيده جدا جمالها و زاد جمالها القافية الرائعه في الصدر و العجز

لا هنت يالذيب على الابداااع



صح الله لسانك

رد: الغاية
 

ارحب ياحمود

وصح لسانك على المصافحه الجزله

لاهنت

تقبل مروري

وتقديري

رد: الغاية
 

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ان كان ما للقضية غيض يوجبها=راحت بيدين المعادي سرق ونهابه[/poem]
[size=5][font=Comic Sans MS][color=#8B0000]الله
الله الله
الله
ختمة راااائعه
وقصيــدة أروع شااعرنا
فصح الله لساانك مليوون
يالأخ السكراني
فانتظار جديدك

ولاااااهنت[/color][/font][/size]

رد: الغاية
 

[size=5][color=#FF1493]صح لسانك




صعوب[/color][/size]

رد: الغاية
 

صح لسانك مليون

ابيات رائعة

سلمت ودمت بخير