ياهيه عشقي
 

[poem=font=",6,,normal,normal" bkcolor="transparent" bkimage="" border="double,6,darkblue" type=0 line=0 align=center use=ex num="0,black""]
لي قصةٍ فيها ثمانين طاروق=
اللي ظهر واللي عن الناس مكمي=
ياهية عشقي ضمن عشقٍ سكن فوق=
شفت النجوم العاليه ذاك نجمي=
لاتنشدن عن قصةٍ مابها شروق=
هدت بها سير المقادير عزمي=
ياهيه انا قلبي من الأصل محروق=
عن السعادة ماسح الحظ رقمي=
لوهو عرف سري من الخلق مخلوق=
يمكن تقول الناس مجنون رسمي=
شربت من كأس الغلا الطاق مطبوق=
حتى تغذى منه دمي وعظمي=
ثم جاءلنا من جور الأيام صافوق=
صافوق جاء من مكر الأيام مرمي=
الناس تيأس لاخذ الوقت معشوق=
إلا انا ميت ولامات حلمي=
دايم مابين ارماشة الرمش والموق=
وانا أدري ان لاجيتها حل رجمي=
من دونها رعودٍ من الموت وبروق=
الشوق فوق ومدخل الدار محمي=
عشرين عام آهيم من وجد وافوق=
حتى رسم بي ميسم الوجد وسمي=
لاتنشدن واللي بقى عظام وعروق=
أنظر بجسمي ينبي الحال جسمي=[/poem]

رد: ياهيه عشقي
 

سلمت وصح لسانك وفكرك
جزلة من راس جزل وشاعر مبدع
طالما امتعنا بدرره النقيه
لاهنت
تحياتي

رد: ياهيه عشقي
 

سلمت وصح لسانك
لاهنت
ويعطيك العافية
تحيتي

رد: ياهيه عشقي
 

مشكووور يادكتور ماعليك

زود شرفتني يالغلاااااااااا

رد: ياهيه عشقي
 

زهور هلالالابك لاعدمتك مرورك شرف

لأخيك وتاج على رأسي خالص الشكر

رد: ياهيه عشقي
 

الاخ الفاضل / بعيد المدى
صح لسانك لاهنت
نص شعري راقي جدااااا
من شاعر متمكن
تسلم ويسلم فكرك يالغالي
تحياتي
أخــــوك
س / ص

رد: ياهيه عشقي
 

الجزل / بعيد المدى

صح لسانك

نص وافي

لله درك يالغالي

تقديري ,,,,,,

رد: ياهيه عشقي
 

[center][size="5"][color="darkred"]
ثم جاءلنا من جور الأيام صافوق = صافوق جاء من مكر الأيام مرمي

[color="darkred"][size="3"]

قمة الجمال والمعنى

صح لساآآآاانك

على هالجزالة يالجزل

تقبل تحيتي وتقديري

واعجابي[/size][/color][/color][/size][/center]

رد: ياهيه عشقي
 

الله الله
صح لسانك يابعيد المدى
ولله درك

تحياتي

رد: ياهيه عشقي
 

الشاعر القدير / بعيد المدى
صح لسانك لاهنت
نص شعري راقي
من شاعر متمكن
تسلم ويسلم فكرك النير
تقبل من التحيه أغلاها
ودمت بود