,’,’, محمد ابن الذيب ..العجميّــه ...النـــود,’,’,
 

[color=#800080]السلام عليكم ورحمة الله وبركاته ..

شلونكم عساكم بخير جميع ..

صديقتي النــــود ..بصراحه اسمعت فيديو كليب لقصيدة الشاعر المعروف / محمد ابن الذيب العجمي ..

عن وضحــى العجميــّه ..اعجبتها وردت عليه بأبيات ..حبيت انقلها لكم ..

.( على فكره القصيده تجي على قناة النجوم طبعاً انا ماعندي هالقناة والا كان نقلت لكم أبيات محمد صحيحه )

اليكم قصيده ابن الذيب في وضحـــى ..

[color=#0000FF]تسمعوا يوم أجر الصوت

ياهل القلوب الهواويه

الهجر بين العرب ممقوت

والوصل ياحيك وحيّه

ياهاجسي قبل يفوت الفوت

عندي رساله خصوصيّه

علم هل المغرب وبيروت

حتى بنات السعوديه

واللي ورى الكوت واهل الكوت

والمسلمه والمسيحيه

وضحى غلاها ترى منحوت

بين الضلوع الشقاوية

منها يغار الشهد والتوت

وتغار الأرض الطبيعيّه

والدر واللولو والياقوت

........... البنت حوريه

بعيونها العاشقين تموت

وتقول للموت ياحيّه

وشلون ماأفخر واجر الصوت

وانا متيّـــــم بعجمـــيّه [/color]

رد النــــود ..

[color=#FF0000]
ياذيب يومك تجر الصوت

وتقول ميت بعجميّــه

تبي الخبر يوصل لبيروت

وحتى بنات السعوديه

ياذيب حنا بحور الموت

لهل القلوب الخلاويّـــه

صعبين وأثمن من الياقوت

مثل الذهب صعب مشريّه

نظراتنا سهمها موقوت

والموت بعيون نجديّه

غزلان منها تعاف القوت

ترعى النفل كل وسميّه

منا يغارون اهل الكوت

واللي مع البدو طرقــيّه

حتى الزهر والعنب والتوت

وبنات لندن وتركـــيّه

ولو جبت وضحى وهند وقوت

خسّرتهم ألف بالميّـــه

أقولها لك واجر الصوت

وأفخر وانا بنت ياميــــــــّه

^___^[/color]

صح السانها فديت عمرها ..

ها وشرآآآآآآآآآيكم...

تحيتي لكم / مشاعر حالمه ,,,[/color]

"والموت بعيون نجديّه"
عز الله ان النود صادقة
من قبلها انا قلت قصيدتي في العيون النجدية
الى من بلاك الله بعيون نجدية = توخ الحذر وابعد ولا تنتظر ساعه
ترى سهمها الفتان مية على ميه = يصيب الهدف عن بعْد ما ينفع دفاعه
لمحت الغظي واثري على جال مطويّـة=سهم كان كافي يطرح الطيـر بالقاعـه
الى آخر القصيدة وهي في ديواني
شكرا لك مشرفتنا وشاعرتنا القديرة
مع أطيب تحياتي

[COLOR="Purple"][B]^___^

المشرف العام ..

تسلم اخوي الموت كله بعيون البدوييييييييه بشكل عام ولاتهون الحضريّــه : )

صح ابدنك ولاهنت على المرور ..

تحيتي لك / مشاعر حالمه ..[/B][/COLOR]

[size="5"]صح لسانه ولسانها

وحبيبك من تحب لو كان دب

اختي اليامية اردفت ببعض الكلمات التي سبق ان محمد قالها[/size]

[COLOR="Purple"][B]محمد الروقي ...

صح ابدنك ...وصادق انا قلت لها انها مكررة بس ماعليه هذي بدايتها وان شاء الله تتعلم الشعر عدل ..

لاهنت والله على المرور الكريم ..

تحيتي لك / مشاعر حالمه ..[/B][/COLOR]

مشاعر حالمه

جزيل الشكر على النقل العذب

وصح لسان ابن الذيب والنود

صراحه صوت وصدى ينطرب لها الصخر الاصم



لاهنتي مشرفتنا


تحياتي وودي

صدى وصوت رائع

صح السان الشاعر والشاعره النود

يعطيك العافيه اختي مشاعر

[b]فلاح بن منشار ..

تسلم اخوي وصح ابدنك ولاهنت على المرور الكريم ..

تحيتي لك / مشاعر حالمه..[/b]

ابراهيم السنيدي ..

تسلم اخوي وصح ابدنك ولاهنت على المررو الكريم ..

تحيتي لك / مشاعر حالمه ..

[B][COLOR="Sienna"]مشاعر حالمه

يعطيك الف عافيه علي النقل الرايئع

لاعدمناك تحياتي وحترامي لك[/COLOR][/B]