منتديات الفطاحله - على الدرب واحنا عابرين سبيل

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - على الدرب واحنا عابرين سبيل (http://www.ftahilah.com/showthread.php?t=99889)

على الدرب واحنا عابرين سبيل

[poem=font=",6,sienna,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
على كثر ما قيل الجديد جميل=جديدي على اضفاف القصيد قليل
مُدام المحابر لا اثملت به مشاعري=غروب ٍ ادينه في ادين أصيل
مثل معْرف المهره مع امناطح الهوى=يهدهد شعرها والصهيل صهيل
على ذات الواح ودسر يا قصايدي=ولا تغرقي دامي عليتس كفيل
يـ طول السواري والنوارس تنوشها=وأعرْف اتجاهي وبالنجوم دليل
يقولون فعلا ً أعذب الشعر أصدقه=واقول اعذب اشعور ٍ يجيك جزيل
أثمّن كلامي قبل اقوله و اوزنه=على شان ما يقضب احكاي هبيل
تمنى ابو زيد الهلالي عن اللغا=رقاب الزراف ولا يقول هزيل
وحنّا كما سندان والشعر مطرقه=نجيبه من اعماق الصميم صميل
يـ لبيه يالبى القصايد ولبّها =أجيد الكتابه ولا احب أطيل
مثل فارق ٍ ثندوّته من مخالبه=على الرمح الارديني طويل شليل
جناحه كأنه بشت ضافي على الملك=و وزنه هنا بين الوحوش ثقيل
على طاري النخبه أنا شاعر النخب=ودربي ودرب الحاسدين طويل
حبيبي مدام احنا على واضح النقا=فوالله ما يقلط عليك بديل
اذوب ابشعوري فيك واهلهل الشعر=الى هب ذعذاع الشمال عليل
و بندول هالساعه مثل قلبي الحزَن=يحين الوعد ويدق قيه عويل
وتبدا المشاعر رحلة الهم والعنا=ومن قال اباذل القلوب ذليل
الا وش ذنوب الورد والشوك بالغصن=للاثنين وجه آخر بعود يميل
و لا للندى ذنب ٍ على وجنة الكرز=اذا الصبح في عينه ادموع تسيل
لك الحق تجفاني وانا بوضعي الحرج=منافي وغربه والرحيل رحيل
ولي الحق يوم اشتاق واطوّل الرجا=على السيف ابو حدين وباس ثقيل
بعد كل هذا نطلب الله نلتقي =على الدرب واحنا عابرين سبيل[/poem]