[عمر ال شيبي]

المشاركة الأصلية كتبت بواسطة الطائر المهاجر

ياغزالٍ مرني تالي عصير الربوع= ما هقيت اني خلي لين ناداني تعال
قلت له وش بي تبي وانت من حولك جموع= ماتخاف اللي يرى من حريمٍ او رجال
قال فكرك لايغدي واستمع كل الوقوع= وش ابي بعود انتهى لاجمال ولا حلال
قلت تدري يالغبي ماطفت كل الشموع= باقيٍ في القلب شمعه لها نور وظلال
قال شكلك يعربي فارغٍ قلبك ولوع= من تشوف الشقر تذهل وتبدا بالضلال
قلت لو تدرين نارٍ سرت تحت الضلوع= هدت حصونٍ بقلبي رست مثل الجبال
وش بمثلي تنتوي وآنا عويدٍ جزوع = اتركيني في سبيلي فانا ما اقوى الجمال
قالت ابغى بيت يجّر ولو مدة سبوع= غير مافي اليد حيله فلا اهلٍ ومال
حركت فيني الشهامه وانا اشوف الدموع= واخذ لها بيت جاهز بفرشه والدلال
وسكنت في الحال تشكر وتدعي في خشوع= وابتدي ارقب وش اللي يصير بكل حال
حيّنا هادي ولا به دخولٍ او طلوع = من بعد تسعه وحتى الفجر طول الليال
من بعد عشره يجي شخص ماشي في ميوع= لطمته حتى عيونه ويمشي في ميال
ثم ثاني ثم ثالث ورابع في خنوع= لين صاروا فوق عشره وانا ادقس في ختال
كودي افهم ويش يجري ولا هبت الرجوع= يمكن اسمع شي يذكر حديثٍ او جدال
ما سمعت إلا الهبنّي فكلٍ في هجوع= وقبل اذان الفجر الاول اعوّد بالسؤال
انتهى الأسبوع مابه حدث ولاّ وقوع= وفي النهاية تختفي ماعرفت لْها مآل
ونفتح البيت المسكّر ونلقى ما يروع= روس مقطوعه وهي تشهد بقتل الرجال
حرمةٍ سفاحةٍ كل ما ضيها وجوع = كل من خذها تركها لينما زادت هبال
انتبه ياللي تحسب الطلاق بْلا فجوع= جرح غاير بوسط القلب ماله اندمال

اله على دقة التصوير والاحداث المتسلسله
كنها مسرحيه امامي تعرض
سلمت يدك وفكرك النير استاذنا وشاعرنا الاول


وصح لسانك مليون=== بل === الملايين