.
.
.
.
لاعاد تسال
عن الماضي وتتعبني
لملم بقايا جروحك واترك دروبي
لصرت لابسط حقوقي منك تسلبني=وشلون تطلب خفوقي ياكبرذنوبي !!
.
.
.
.
.
.
لاعاد تسال عن الماضي وتتعبني = لملم بقايا جروحك واترك دروبي
لصرت لابسط حقوقي منك تسلبني=وشلون تطلب خفوقي ياكبرذنوبي !!
الدرب موحش معك والحب متعبني= والهم بعدك تركهم واتجه صوبي
اعطيتك اكثر من اللي كنت تطلبني= يوم الوفاء منهجي والطيب عذروبي
مافيه غيرك على هالكون معجبني= خليت شوفك معي شفـّي ومطلوبي
ارسم بك الحلم والاشواق تكتبني= سيطرت حتى على التفكير واسلوبي !!
اشتاق قربك وصدك كان يرعبني = واضيع لامن سمعتك قلت ( محبوبي )
ايام راحت وهمك كيف تطربني = تشفق على راحتي وتحب ( مندوبي )
واليوم وضعك معي والحال شيبني= ماكنك الا على لقياي مغصوبي !!
لابد مارحل عن اللي ما يناسبني= تركت دربه .. ولازم يترك ادروبي
ومدام ( قلبي ) هو اللـي جاء يحاسبني = يانفس توبي عن دروب الهوى .. توبي
محمد العسكر