سلام الله عليكم ياهل الطيب=سلامٍ ياتسجل بالمجله (فلاح)
انا منكم بدى في راسي الشيب=وراعي الطيب بين الناس اجله (فلاح)
هلابك مرحبا واثني التراحيب = تراحيب الحبيب لشوف خله (الطامي )
وش علومك معانا ياوجه ذيب = عسى ماجت على راسك جبله(الطامي )
بقيت ولاشقيت ولابكم ريب=كريم ومايجينا منك زله (فلاح)
انا راسي كما روس المناصيب=على وضح النقى ماجيت عله (فلاح)
لفيت تصيح وتحوقل تقل هيب = تقول ان الفكر داخله خله (الطامي )
ورجعت تقول ياركب المناديب = انا راسي كما الهضب المطله (الطامي )
علامك محتزم لاهل المناشيب=وانا ماتبع هوى الجاني وظله (فلاح)
انا ماارتاح غير في المحاريب=ودرب الحق ياصاحب ندله (فلاح)
لاترمينا تقل كنا مجاريب = فزعنا لك وتنطحنا بشله (الطامي )
تناقض هرجتك ياهي تعاجيب= تبيها سلم والا راس سله (الطامي )
انا مارمي الحبارى وابو احقيب=ولاعيينت لي محتال اكله (فلاح)
هروحي واضحه مابينها صيب= تحت الروس والمعضل نحله (فلاح)
مادم انك كذا خذها من قريب = وشد الحيل والميدان دله (الطامي )
مهاو وقت العصي والا المشاعيب = وقت صاروخ عابر شوف ظله (الطامي )
خبرتك صقر في روس المراقيب=يرى عين الطماعه من محله (فلاح)
ومشعابك على ظهرك وتثريب=لانك عود روحك في غوّله (فلاح)
ياعود القوم كبير العياسيب = نحمد الله على المخلوق كله (الطامي )
حلال القوم بيسوي تخاريب = يبي له شد واخطامٍ يتله (الطامي )
الا منك صفيت امن المشاريب=فلا تقرب على ولد الغورله (فلاح)
على ظهرك تشيل امن الكراكيب=ولك في كل طلعه قطف فله (فلاح)
عموما ياصحيبي سو ترتيب = نبي نرسمك في ظهر المجله (الطامي )
لعل ايزيد دخل القوم فيد = مع صورة الاسد تزداد حله (الطامي )