[عمر ال شيبي]

المشاركة الأصلية كتبت بواسطة حرف وشعر

مافي الهوى يازين غالب ومغلوب= ولا في الهوى يازين موجب وسالب
سنع الهوى يازين شرهات وعتوب=واسلوب تسموا فيه كل المطالب
وذكر المحاسن للمحبين مطلوب= وماينبغي في الود ذكر المثالب
وطبع الوفاء عند الموافين ماجوب= والمكر والروغان طبع الثعالب
وان جاز لك بين المحبين محبوب= خفف عليه ولا تزيد المطالب
وان كان وصله ياهوى الروح محجوب= حث الخطا واهدم اجدار القوالب
نزع الهوى ماهو كما نزعة الثوب= نزع الهوي فعلا كثير المسالب
وعتب الهوى ذوق ومشاريه واسلوب= ماهو رعونة طيش خدش ومخالب
ذاك الجهول اللي علي الود محسوب=بين الزهر والورد مثل الطحالب
هذي حقيقه واكثر الحب مكذوب=ياجيرة الله من زمان المقالب

الين القول من فكر ن عطيه
يخلينا نعود في كـل مـره
وصح السانكم فخر وهنيـه
علينا كيف ما قلنا تبـارك