[الغريب]

سيدتي الفاضلة احلى كلام

في وصفك او في احدى انواع الاصدقاء تنهدت من وسط قلبي وخنقتني العبرة تعرفين ليه

ابي اقولك سالفه وهي حقيقية وانا محاسب عليها امام الله

كانت تربطني صداقة بأحدى الاشخاص وكانت صداقة مبنية على الاحترام والصدق والتضحية من اجل الاخر

صداقه امتدت لاكثر من 25 سنة

في يوم من الايام اتصل فيني ها الصديق وكنت في طريقي للرياض قال تكفا ابي منك مبلغ من المال

بصراحه استغربت من ها الشخص اولاً اهو ميسور الحال والفرق شاسع بيني وبينه ويملك محلات تجارية اللهم لاحسد

قلت له انا في طريقي للرياض واشوفك الليلة يعلم الله ماكنت املك اقل من ربع المبلغ والمبلغ بالالوف

المهم وصلت الرياض واستقبلني وتعشيت عنده هاك الليلة وقلت له والله ما املك المبلغ لكن اعطيني مهلة

سويت اتصالاتي لكن بات بالفشل كان قدامي خيار واحد لا ثاني له ان اسحب رصيد بطاقة الاتمان هذا كان الحل الاخير وقلت خلاص في الصباح ابي اروح واسحب المبلغ وامرى لله

اتصلت على اخوي صباح اليوم الثالي وشرحت له الظروف قال شوي وارد عليك وكل هذا وصديقي معي يشوف ويسمع

اتصل اخوي قال عند زوجتي المبلغ كامل قلت اعتبره سلف مني انا شخصياً قالي شف زوجتي بتشتري ارض بس تنتظر اتصال من ابوها عشان تحول المبلغ قلت بحول الله يوم الاحد المبلغ عندك بناء على كلام صديقي

اتحول المبلغ اليوم خميس البنوك قفلت رحت وسحبتها من فرع المطار سلمته المبلغ فرح وبسداجتي فرحت لاني خدمت صديق العمر

في اليوم الموعود اتصل على يأخذ رقم الحساب قال ارسلة برسالة ارسلته وكل يوم وانا اشيك شكيت ان الرسالة ما وصلت اتصل فيني قال اسف على التاخير بس تدري اليوم العصر المبلغ في حسابك ومن هاك اليوم للحظة كتابة ها القصة اذا شفتي هلله اعتبريني شفت على الاقل ربع المبلغ يعلم الله التمست له العذر بس اخوي قال ترى زوجتي تبي المبلغ قالتله ممكن تنتظر كمان اسبوع وراح الاسبوع وانا معندي شي قلت علم زوجتك خلال ها الاسبوع المبلغ عندك بالفعل رحت وطلعت موتر وبعته بدون ما اشوفه او اركبه وحولت الدراهم مع الاعتذار لزوجة اخوي الى هنا وانا كنت متوقع ان صديقي متورط ومحرج ماحبيت اتصل عليه دارت الايام اتصل على يبي مبلغ اكبر قلت في نفسي اكيد الرجل في ورطه بس ميبي احد يدري قال تكفا دبرني قلت له شف عندي ارض عرضت وجابت 90 واعتبر انا خسران قال لاتخاف راح اعوضك قلت توكلنا على الله بكرة امشي وربك كريم طبعاً اهو كان في جده حاولت اني اسافر بس ارادة الله كانت اقوى

دارت الايام شفته حاط على محل من محلاته لوحة للتقبيل وها المحل كنت ابيه من زمان بس يوم دريت انه طلبه من راعي المحل يشهد الله انسحبت

اتصلت فيه وقلت له على سالفة المحل ابي اشتريه ويصير هذي بهذيك


ضحك قلت له وش رايك ها الحين

تعرفين صديق عمري وش قال

قال لك انت بالذات لا

والله العظيم استدارت بي الدنيا انصدمت وليومك ماشفت ولا هلله وقال اذا تبي تشتكي رح عندك الشرطه

وش رايك في الصداقة وها الصديق

على فكرة اقساط السيارة مابعد انتهت