من ناحية وجودنا في المجتمع السعودي مافهمت ماذا تقصدين طيب الباقين ماعانيت منهم
إلا البنت الآن عشان مرحلة مراهقة وانا ممكن أكون أطالبها بلإنضباط زيادة عن اللزوم
أما محبته وتفضيله للي أكبر منه ويشوف اللي أصغر منه وممكن أكبر منه بسنة لأنه ماراح يلاحظ الفرق على إنهم أطفال هذه الحالة لاحظتها عنده من كان عمره ثلاث سنوات دائماً يسوي نفسه كبير
وأيضاً أخوه اللي أصغر منه دايم يسوي نفسه كبير وخروا عن طريقه
والفرق بينهم أكثر من أربع سنوات
ممكن لأنهم يشوفون خوالهم يومياً وخوالهم سبعة الله يخليهم لنا ويوفقهم
أشوف عيالي مستعجلين على قيادة السيارة وعلى الر وحة للجامعة وهذا خدمني كثير في تصوير المستقبل لهم وكان حافز جيد لي ولهم لأن خوالهم أمثلة رائعة أمامهم
ومن ناحية الأحاديث بيني وبين أولادي تعالي وإسمعي بس من كل شكل ولون أحب أكلمهم حتى ولو كان تصور
للمستقبل وأقولهم لما يسألوني ماما عاد هذا صدق هههههههههههه أوقول قولوا إن شاء الله
وإجتهدوا ولو ماتحقق كل اللي نحلم فيه عشان مايعيشون بعد في حلم جميل ويصحون حقيقة مرة
لا تندمون لأنكم سعيتوا وأديتوا اللي عليكم
هذا أسلوبي أستقيته وورثته بمعنى أصح من والدي حفظه الله ورعاه وأطال لنا في عمره
معدل جلوسي معهم وحديثي بشكل يومي حديث متواصل يصل للساعتين والثلاث في الأغلب
هذا بشكل متواصل أما الكلام العابر والجانبي والنقاش بخصوص أمور تعترضنا هذا ما أحسبه لأنه من أشكال التواصل اللازمة في الحياة اليومية
ودمتم بخير
وتحياتي