دة جرح غريب
ولا عايز ينسيني ...ولا قادر يقسيني
ولا راضي يسيب عيني ....تشوف النوم
لقيته فجأة ويايا...ومحفور حفر جوايا
لقيته صدفه بيغني ....أهات ساكته على لساني
وانا موجوع ....ونهر دموع
بيجري ينده الاحزان يصحيها
وانا واقف ومستغرب ...ومن إمتى وانا بهرب
من الجرح اللي بيعاني
من الاهه اللي عايشاني
من الدمعه اللي مشتاقه على جبيني وحراقه
بتتمنى اني اكون ناسي
بتترجاني اكون قاسي
وصاحب نبض إحساسي
وما اتعذبش
ومن إمتى وانا رافض
أصدق ان انا مجروح
خلاص يا اهه انا سامعك
خلاص يا دمع انا حاسك
خلاص صدقت
خلاص ما بقيتش يا جرحي
عليا غريب
خلاص راح اطيب
.............................. .
........................
...............
.......
...
.
أخي / ألم الفراق
تعددت الأسباب والجرح واحد
أعتذر منك لإقحام حروفي العامية الهزيله بين صفحاتك
لكن لعلمي أن مشاركة الألم أحيانا تغيبنا لبرهة عن الإحساس به
أردت أن أضع يدي على كتفك
مع تقديري وبالغ إحترامي
أخيك في الله
هيثم نور