[ابوعبدالرحمن القريشي]

المشاركة الأصلية كتبت بواسطة ناصر القزلان

ياإله الكون حلمك ياعظيم =ارتجي عفوك ولا غيرك رجيت
أسالك تغفر ذنوبي يارحيم = أعترف بالذنب يوم إني عصيت
طول عمري في ذرا عفوك مقيم = كلما زادت ذنوبي واعتميت
أشهد إني طحت فيها بالصميم =غصب عني كنت جاهل مادريت
كنت نايم حولي الشيطان نيم = يوم ضيعني على دربه مشيت
عن جديد الذنب ماطاح القديم= أثقلت نفسي ذنوبي واستويت
يلعب الشيطان في راس الغشيم = ساقني صوب المعاصي وابتديت
كل وادي فيه ياربي نهيم = كل حاره .. كل شارع .. كل بيت
إتخذت ابليس للغزوه زعيم = طحت في حضن المعاصي وارتميت
ياإلهي رحمتك وانت الرحيم =لو بغيت أحصي ذنوبي ماقويت
عفوك أكبر من عبث عابث لئيم = يامهيمن في رجا عفوك سعيت
جود لي من جود جودك ياكريم = لااله الاانت لي مهما حييت
ياعليم الحال من غيرك عليم = أعطني مما سألتك واشتهيت
ياإلهي طالبك قلب ٍ سليم = مايخاف الا أنت غيرك مادعيت
يامدير الكون بأمرك ياحكيم = ياكثر مافي صلاتي لك شكيت
إهدني منك الصراط المستقيم =خذ يدي للدرب يوم إني غديت
لك سجدت أدعيك بالليل البهيم = عن رجا غيرك رجيتك واكتفيت
فكني يارب من نار الجحيم = كل ماتطري على بالي بكيت
طالبك من نفحة الجنه نسيم = عن سموم النار تطفي مالقيت
كان خلقك دوروا حب الزعيم = أنت تعلم غير وجهك مابغيت

اللهم آآآآآآآآآآآآآآآآآآمين

اخوي الشاعر ناصر القزلان
لاخيب الله لنا ولك دعوة
فجميعنا خطاء وخير الخطائين التوابين

دمت سالما ايها المبدع