مفارق شايلٍ روحي ولاكِـن الـدروب طـوال =مفارق والزمن لحظة وعيـن الحـر سباقـه
جمعت اوهام عمرٍ لي طويته قبل أشوف الحال =ولو الحال ماتسمح انـا ماأرضـي بملحاقـه
كسر حزن الجمل صوتي يصيح ولا لقى شيال =تهاوى والصدى يرجع يـردد باقـي أشواقـه
انا وش عاد دنيايه وحياتي ترفـض الآمـال =وعمر الوقت مايصـدق إذا يعجبـك منطاقـه
سؤال اليل عذبني يبي ولفـه بكـى وإنهـال =كما طفل فقد امـه دمـوع العيـن وإشهاقـه
ألا ياليـل احزانـي دموعـك مالـه الحـلاّل =ألا من وين أبلقالـك ربيـعِ تقطـف أوراقـه
ليا شفت الزهر ذابل ترى ماهومـن الأهمـال =مماته حـق ياليلـي ولكـن والقـدر ساقـه
ولا أملك سوى دمعي وماأصعب دمعة الرجال =فلا تذرف أبد عيني لمـوت الـورد وفراقـه