بشدّ لمشرق الشمـس .. و بعلّـق فوقهـا ديـوان=أمانه لا وصلتي مغرب الشمس .. انثـري قافـي
أنا بلسان نجد أرسل .. قصيدة شوق .. من ولهان=على زهور النفل ريح الخزامى .. تنّـده الغافـي
تنهّد بالقصيد طويـق .. سالـت دمعـة الصمـان=من أنفاس القصيدة .. انصرم طلع النخـل صافـي
نختني للقصيد أرضٍ .. من الوادي .. إلى بابـان=ثراها يشربك حـبٍ .. و لا يـرواك يـا وافـي
ألا يا شيخنـا حبـك .. علـيّ الله مـن الإيمـان=ما دام انت الوطن و الدار .. ستر العاري الحافي
غلاك اللي شرب كل الجوارح .. لين صار احسان=غديت من الغلا ملجأ .. لمن حبـك معـه خافـي
لنابك هيبةٍ تفرح صديـق .. و تجـرح العـدوان=و لك منا رجال تعـد .. مـوتٍ دونـك انصافـي
تعلمنا المراجـل منـك .. لـك بالمرجلـة ننـدان=و لا نلحق معك .. ما يلحق الإعصار مـع سافـي
كملت إلا أن عذروبك بشر .. و عن البشر شتـان=تطيح و تمتـرض .. ليتـك مخلـد دوم متعافـي
سبقني للقصايد فيك .. من روس العـرب اخـوان=و لي بين الشموس .. سراج .. خوفي كيف ينشافي
و إذا كلٍ سبقني مدح .. اسمح لي بوصف انسـان=حنونٍ في ضلوعه .. قلب طفل .. بحس شفافـي
تقل شمسٍ إلى من .. بان بسمه يرجـح الميـزان=و كل الخلق عقب الشيخ .. سرج بعضهـا طافـي
ألا يا أميرنـا .. هـنّ بسلامـة حالـك الخـلان=فلا قبلك مريـض .. يهنـي الـزوار و اللافـي
سِلِم .. من يوجع اقدامه .. و لا توجعه في ميدان=سلم .. من له دعينا الله .. رد الشيـخ يـا شافـي
سلم .. من نار عينه تمن أهل الدار .. و الجيـران=سلم .. من ضحكته تودع مريـضٍ ميـسٍ شافـي
سلم .. من طوّع الشمس الشرود .. و عنها بعنان=تعلـق فـي معارفهـا .. و يمـم راس مشرافـي
إلى قالوا مريض قل .. مريض اللي فقد سلطـان=و إلى قالوا بعيـدٍ قـل .. قريـب الهـمّ لسنافـي
نخيت الشعر .. أوصف وش تحس الناس لكحيلان=و إذا خان الشعر شاعر .. عسى يكون الغلا كافي