يالله هز الصدور ...وثبت اهل القبـور =الين نرضى ...وبقبور الحبايـب عمـار
يالله ماكـل هـم ..تحتملـه الـصـدور =لاشك الايمان ثبت قلـب راع الوقـار
ياالله والموت سنة وانت بـس الغفـور =تغفر لاحمد.ومن يبكي على احمد وجـار
ياالله حنـا فقدنـا ضـي ظلمـا ونـور =ياالله حنا لقينا الليـل ....جـب النهـار
يااهل النعش وش حملتوا غير نجم سفور =وقبله فلا حسب نجم .....بالثرى له مزار
ياهل النعش وش حملتوا ....هو طويق يبور=ويخلي اللي بنـو بظـلال شمسـه ديـار
يااحمد تركـت الحبايـب يندبـون الدبـو=ريااحمد لقيت الحبايب ...عند ربـك خيـار
ياالله وش نذكر احمد ..غير طيب مخبـور=ياالله وش ننسى للي ..في عطـاه اعتـذار
وش باقـي الابذكـره الصـدور الشعـور=وش خلص الا الصبر والفـرح والاقتـدار
وش راح غير الرفيـق الهيلعـي الغيـور=وش جا..سوى بالحنايا جمر سمر ...وشرار
وش نام "بالعود "غير حصان ربعه ..جسور=وش قام بالصدر غير الحزن ...قومه مجار
امين جعله كثـر فعلـه يحصـد البـذور=وتسكنـه عالـي الجنـه ونعـم الجـوار
يـاالله والمـوت سنـة والليالـي عبـور=ادري ..وحنـا عبيـدك كلنـا بانتـظـار