لا بالعكس أنا ماقصدت بالإهتمام أنه الزوج يكون مقابل زوجته 24 ساعه
لا طبعا ً حتى هي راح تمل منه
أنا اللي قصدته بالإهتمام وقلت انه يشمل نواحي عديده
أنه فيه أشياء بسيطه ممكن يقوم بها الزوج أو الزوجه
يكسب فيه محبة الطرف الآخر أكثر
كلمات بسيطه ممكن يقولها وتعجب الطرف الآخر
مثلا ً يسألها اليوم كيفك وش فيه جديد وش سويتي وش صار ؟
هذه كلها كلمات تحسس الشخص أنه فعلا ً مهتم فيك وماتاخذ لا جهد ولا وقت
مرات يجي يوم ورا يوم وماتحس انه أحد يقول هالكلام
على اعتبار انه انا عايش معها خلاص اعرف حالها وتمشي الحياه مثل الجدول الممل
بس ماتعرف وش داخلها اذا مضايقه اذا فيه شيء ماقالته لك
تساعدها لو تحتاج لك وهي نفس الشيء تفكر معك لو فيه مشكله
تشاركك بأمورك اذا كانت متفهمه لهالشي يكون كل طرف للثاني أول شخص يلجأ له إذا فيه شيء يضايقه يحس معه بالأمان مو بالخوف
يعني مثل كذا
هذا إهتمام شوي معنوي
فيه إهتمام عاطفي
أنه مثل ماذكروا الأعضاء والعضوات شوي إذا شاف شيء متغير بالبيت
يثني عليه يشجعها شوي ..
لو متغير فيها هي شيء يمدحها يعني مثل كذا
فيه اهتمام اخر ايضا بها
مثلا ً يرسل لها رسايل من وقت لاخر مرات الواحد مع الوقت يشنغل بالحياه ومسؤوليتها
ينسى الكلام الحلو يتجاهل مشاعره وفي لحظات يكون محتاج لهالكلام تحس يخفف عنه شوي من همومه مثل هالكلام اذا جاك فجأه ماتحس أنه الشخص مهتم فيك
أيضا بين فتره وفتره تكون الهدايا وسيله بين الزوجين لتغير روتين الحياه شوي
وأنا ما أفضل الهدايا اللي بمناسبات لأنها مو شرط فيه مناسبه عشان الزوج أو الزوجه يهدون بعض وأحس انه بهالطريقه تكون أفضل لأنها تحسس الشخص أنه هذي له مو عشان مناسبه فقط ولا تأدية واجب
مرات أشوف شيء حلو يصلح يكون خاطري مثلا اجيبه له عاادي مهما كان بسيط
يحسسك أنه فعلا ً الشخص مهتم فيك ..
كلها أمور بسيطه ممكن تصير بين فتره وفتره مو بشكل يومي ولا روتين ويمكن التغيير والإبتكار حسب الشخص
هذا اللي قصدته بالإهتمام وهي تشمل جوانب عديده
أشياء بسيطه وتكسب الطرف الآخر
.
.
آسفه لأني طولت بس حبيت أوضح شوي
كل الشكر لك
وبإنتظار الإجابه