ياعاقل احذر حيل من جمرة الكيد = لاتلسعك والقهر من كيدهنّه
ياخوي ماني باقعد ازيد واعيد = ماللوفاء في طبع حوى مضنّه
هذا كلام الصدق واخبرك صنديد = لكن قلبك ماسلى زينهنّه
خذ العبِر ياصاحبي دون تنديد = من ما مضى ياشينها اوصافهنه
يوسف نبي الله حطوه بالقيد = يوم انهن بنفوسهن راودنه
عصمه رب البيت من عشقة الغيد= ورد نسج الكيد لنحورهنه
ماهي حكاوي عمر يومه لقى زيد=كم من فتى محتار هن ضيعنه
العاقله منهن كما بكرة البيد = عيونهن لاهل الرداء مقنطنه
فيهن خوى يجلبن كل المناقيد = من دون راعي يمتطين الاعنه
مثل الحرابي يلحسنّ العناقيد = يغيّرنّ اللون في كل كنه
قيعان ماتمسك من القطر قرميد = مثل الحيايا يرعد افحيحهنه
ينكرن معروفك ولو كنت ابو زيد= تفكيرهن كل ساعه ايغيرنه
هذا طريق الحب والكيد تفنيد = بين السطور تشوف تزويرهنه
اما ذوات الدين فابسط لها الجيد = يستاهلن المدح باحجابهنه
اظفر بها ياخوي وابشر بتسديد= ياسنة الاسلام ياخير سنه
والختم صلوا عالنبي دون تحديد= نبينا ماخاب من يذكرنه