[النهر الخالد]

المشاركة الأصلية كتبت بواسطة منصور العبدالله

الى قلوبكم البيضاء

وامام انظاركم

تنحنى هذه المتواضعه

أأمل ان تجد لها مكان

يرتقى بها الى ذائقتكم

يالله دخيلك من الزلات و الغمة= اشفع لعبدك طلبتك رب الاحسانى
ناديت عذب القوافي من على القمة= عديتها من شقاي وربى اعطـــانى
كتبتها من خفوق زاد به همه=وسط الحشا من لظاها زادت اشجانى
سبت هنوف وقم عشرين ماتمه= فى عينه الموت الأحمر يوم وافاني
غروا (ن) سكن بالضمير و عيني أتضمه= اصحي ونام و خياله دوم يبراني
عرقه علق بالخفوق وشرب من دمه= وبين الحنايا صدى صوته تغشاني
العقل حاير معه والروح منسمه= احيان يغشى ويصحى بعض الاحيانى
شفته بلليل الشقاء والناس ملتمه=مدرى درى عن عناى وحس بجنانى
اغظى بطرفه حيا والبسمة بفمه= واشر برمشا(ن) لدرب الموت ودانى
عقلى وقلبى وكلى نازح (ن) يمه=يا ويل قلبى على لامـــاه يافـــــلانى
والله يا لولا الحيا والعيب والذمة= لا اطوح الصوت أزين باسمه الحانى
قمت أتذكر وأدير الفكر واليمه= ياوين أبرسل نديبى عل يبراني
ما احترت أدور (.......)على القمة= بين النجوم يتلالا طير حوراني
يا (......) استنفر المخزون والجمه= أوصف علاج الهوى ما بيه مجاني
أبى حروف تداوى الجرح وتلمه= ياقوه الله يا عل الحرف يشفانى
القلب نادى ونادى من كبر همه= طال الطريق وعناه أعياه واعيانى
ناداك باسمك ويمك طوح العمة= لا تتركه للشقا ودروب الاحزانى
سمّ الدوا ياعديل الروح لي سّمه= ابشربه شربه اللى حاشه ادمانى
ابشربه.. مر.. لا ما همنى... سمه=الموت واحد وسيور العمر فانى

اعصار يا منصوووووووووووووووووور هذا هو الاعصار

لي عوده تليق