ما كل جرح يطيب من لمست ايديه=بعض الجروح تزيد لو ما تدرا
والي نسى لحن الهوى لا يغنيه=غيره سجع بلحون قلبي وجرا
ومن لا شرانا بزود بالنقص نشريه=ومن لا وفا بالخير نجزيه شرا
من جا على بالي عسا الله يحيه=ومن لا ذكرني عنه الحظ غرا
ان مالمحتي البرق رعدي سمعتيه=الوابل اليا صاب ارض تعرا
اذا احتواه الخير كل خير نرجيه=والقاع من امطار وسمه تبرا
بعض الملا كلمه تجيبه توديه=مثل الحبال وجره الحكي جرا
وبعض الملا لاجاه حرف يقديه=مثل الجبال ومن لفاها تذرا
ارسل حكيم الناس لو ماتوصيه=بعض الوصايا تقلب النفع ضرا
واعزم كريم النفس لو ماتعشيه=غير الوجيه الطيبه ماتحرا
وامر قضاه الله ماقلت انا ليه=صبري سما باحضان بحرً وبرا
عفت الفخر يوم ان كلً يطريه=الفخر فخر اللي بفعله يطرا
الطيب لو مايتعب النفس مابيه=وماكنك الا الطيب فيني استقرا
ولو مايطيب الجرح من لمست ايديه=قبلتّها ...وقلت لجروحي تدرا