[هاجس نجد]

المشاركة الأصلية كتبت بواسطة الطائر المهاجر

مالي على الاقـدار حيـلٍ وحيله = ومالي بدنيا تحرق الحر بالجور
ربي خلقني حر واشري الفضيله = فلا نيب لا بومٍ ولانيب طرطور
يدس راسه شان يملى شليله = وياصل مثل غيره بعد حنية ظهور
خليتهــا يامن بغـاها فهـي له = مالي بها ما ني على الذّل مجبور
وقتٍ يغيّر في النفـوس العليـله = واللي على المبدا مثل حي مقبور
نفسه عزيزه ما تداني الفشيله = ما يتبع التيار لو عاش مقهور
ولو كان معه الحقٍ واقوى الدليله = يضيع حقه بين آمر ومأمور
وان جاه ظلمه من غريمٍ يشيله = ويعجز اذا هو من خويٍ على النور
قلبه عليه وما توقع لميله = حتى استغل لطيبته وابتدا الجور
ومن كان ذا طبعه فياويل ويله= ياتيه يـوم وكل موعود منظور
ولو هي صفت له بين يوم وليله = يا سرع ما تقلب ولا تطلب الشور

الله الله عليك يا أستاذنا أبو عبدالله

صح لسانك وعلاشأنك

عندك عزة نفس منقطعة النظير

وهذا من شيم الرجال الطيبين شرواك

ومن شهامة الشيوخ الكرماء اللذين يترافعون بأنفسهم

عن الخضوع للغير من أجل اية هدف من الأهداف الزائـلة

ودي أقول وأكتب زود حتى أوفي القصيدة حقها

أخاف لا يقول أحد إني أجاملك

ولكن الصحيح أنت شاعر غني عن التعريف

وما أنت بحاجة لشهادتي

تقبل ودي واحترامي

أخـــوك

سعـــد العبيـــد