السجن
البعض قد يأخذ فكرة هذا خريج سجون ......
لا كنت موقف من شأن قصيده سابقه الله يخارجنا من بعض القصايد فكتبت قصائد كثيره من الفراغ وكان معنا الاخ برجس المخيريمي الدوسري الله يخارجه من لايعرفه اكيد ماخذ فكره عنه والصحيح بعيد عن الراي العام والضجه الاعلاميه....للتوضيح فقط
...............
السجن عرفنا على رجال ورجال=من كل شكل ونوع شفنا وشفنا
منا عريب الجد ومعرب الخال= ومنهم بغيض لشوفته ماولفنا
ومنا سديد الراي ممدوح الافعال= والذكر يبقا دوم والعمر يفنا
الله جمعنا ياملا والصبر طال= والقلب ياما بالهواجس قصفنا
والنفس للتفكير والهم مدهال= نصبر عليها والمراجل هدفنا
ونطلب من الله مغفره يوم الاهوال= يوم(ن) يهيب المرضعه لا وقفنا
يوم(ن)يشيب الرضع المهد الاطفال=نرجو العفو ياواحد(ن) منك خفنا
يامنزل(ن) صورة تبارك والانفال = فرج وشد قلوبنا لا ضعفنا