جاني وتحمل جيته كل الاعذار = يقول يا محبوبتي ارحميني
من زود هجرك بالحشى واهج النار = وشلون قلبك طاوعك تهجريني
لك عند من حبك معزه واكبار = يا كيف صدقتي حكي عاذليني
لك في خفوقي حب يا موج ما صار = وابيع كل الخلق لو تشتريني
يا موج لك في داخل القلب تذكار = اتذكر اللي صار بينك وبيني
واتذكر اقوالك وباقات الازهار = وابيات شعر كل يومٍ تجيني
من يوم غبتي اصبح الفكر محتار =ضاعت حياتي بعدكم يا ضنيني
لا شفت طيفك افقد الوعي وانهار = واطيح واتوسد على راحتيني
ياموج بُعدك افقد العين الابصار = والدمع اصبح ساكنٍ رمش عيني
كاني غلطت ارجوك يا بنت الاحرار = تجاوزي عن زلتي سامحيني
ياللي بشعرك سارقه كل الانظار = يا روح روحي سامحي طاوعيني
والله ما خنتك انا عمد واصرار = كله حكي فاضي وابي تعذريني
هاتي يدينك نكمل اليوم مشوار = هاتي يدك يا الغاليه صافحيني
وكانك جفيتي صرت للخلق تعبار = اروي لخلق الله وش صار فيني
جاني عذر نسل المناعير الاحرار = الصادق اللي به حياتي تزيني
واقبلت له والدمع عالخد مدرار = اعاتبه والقلب فاض بحنيني
حبه بقلبي راسين رغم الاضرار = واطياف زوله دايما تحتويني
والله احبه لو على خافقي جار = وبحفظ غلاه مهما تطول السنيني
ويلااااااه يا قلبن تعرض للخطار = ويلاااااااه يا خلٍ ابد ما نسيني