السلام عليكم ورحمة الله وبركاته
متواضعه جداً .. أضعها بين أيديكم لعلها تنال القليل من إعجابكم
بعيد عنـٌك .. مالقى خافق السمح = غيـر العنا يزداد داخل خفوقه
لا يسمع الواعـي .. ولا يقبل النُـصح=نفسه على لقياك دايم شفـوقه
إلـيا أظلمت دنياه .. يترقب الصبـح=عسـاه تعلن.. شمس حبـٌك شروقه
لك الغلا .. ماضن يحتاج للشـرح = راع الهـوى مايفضحه غير شـوقه
فارقتني.. وأودعت في خافقي جرح=قدمت للمفـتون .. مالا يروقـه
هجرك على جرحي غدا كنـٌه الملح=عذبتني والقلب زادت حروقـه
ايه اعشقك ، ماقلتها واقصد المزح=من يعشقك ياكيف تهظم حقوقه