بسم الله الرحمن الرحيم
السلام عليكم ورحمة الله وبركاته
الطائر المهاجر :
هلا بالضب ولد الضب سليل الضب محتاسي=اشوف انك بلا عكره وش اللي صار ياخلي
وانا من قــلبي اعـــزك فمثلك عز من ناسي=ونا زعـــلان كيف انــك بلا عكــره ومتسلي
فلاح:
هـــلا يابو العيون الحـول يافـتان ياقاسي= تبــي تاكــل من العكره ولاتقدر على قتلي
تقول انك من العربان وانا عارفك فاسي =تناظر يوم انا اجي لك وتتمايل وتــرقص لي
الطائر المهاجر:
يقولوا مـــاكله ثعــلب لسعك بهرج المــاسي= مشيــت بلا عقل تركض وفـي امثاله تهلي
ونا من صوبه حتى مشى من غير احساسي= يتخبط في الشوارع صادم بسيكل وفي ترلي
فلاح :
تحسّب الناس لعبه في يدك ويجيك وسواسي =والا مني لفيت تقول هذا صاحب البقلي
وانا خابرك متمرس علــى الروغات طنــفاسي = تواعدني وتخلف موعدك وتروغ للشتلي
الطائر المهاجر:
انا مقوى على فرقاك احس دوار في راسي=ولكـــنك لقـــيت اللي يرحـب فيك ويهلي
لهذا قلت لو اشــويك او اطبــخك بنحـــاسي= لعل الشحم لو ينزل يخف الراس لو ملي
فلاح:
الا يابو الحصين الي معك بالراس هنداسي = تهز الذيل للعالم وتاكل بالعشاء تطلي
تحـسبني على كيـفك توجهني بلا قياسي = وانا ناوي على صيدك بصياده لها فتلي
الطائر المهاجر:
الا ياضب لو تطمر ترى تعثر بالاكياسي= فنا صايدك بالشوزن وذيلك منك متدلي
وانا بقرا عليك الفاتحه من بعدها الناسي= واقول الضب ذا مدعوس في شارع ابن مجلي
تبي تعرس ولو مسيار واعرفك تشكي افلاسي= ندور لك من المحجر عجوز بمثلها تهلي
فلاح :
اشوف عيونك الحولاء على المسرى لها طاسي=ومن حملك رغيت ورجلك اليسرى بها ركلي
الطائر:
ومعها عجلة سمرا اذا تمشي بكرفاسي= توسع خاطرك لاضاق وفوقك دوم بتعلي
فلاح:
ابعمي نون عينك واكحلك من كحل الادلاسي=فمثلك مايناسبني وخشمك كنه الصملي
بدون اسنون تنهشني وشدقك فيه كرفاسي = وعنقك مثل عنق البوم يسكن داخله قملي
تجمع في فلوس الناس تكنزها مع الماسي = وبكره تترك الثروه لغيرك وانت متولي
الطائر المهاجر:
تراي انصحك لاتخطي تعاني وقع الاتعاسي= فضب البر ما يقدر يعيش بقدر مبتلي
الا فاطمر الا فاركض وحاذر تدعس اجداسي= يقوم الحي والميت وتطلب نجدة الكلي
فلاح :
كلامك مايغيرني عن افكاري ومتراسي =ولا لك غير همهامك وقلبك فاضين مخلي
تحاول تسبر بحوري وتعجز مانت قرناسي = وفعلك مايغير شي في روس العرب رزلي