سلطان بن شلاّح الغنّامي وشجاع عمر الأكلبي
سلطان العتيبي
يامرحبا ترحيبةٍ تاخذ وتعطي مع شجاع=الشاعر اللي شوكتة ماهست بميزانها
قدام لاتلبس قناع وتختفي خلف القناع=فكر وميز بالهروج اهزالها وسمانهـا
شجاع الأكلبي
إبك البقا ياللي ترحب منك ريح الطيب فاع=جيتك وأنـا للملعبـه خيّالهـا وحصانهـا
النور جلاّي الدجا لامن بدا جالـه شعـاع=والغيمة اللي خيّلت جعل الـروا فأمزانهـا
سلطان العتيبي
في سالفة حرب البسوس الخاسر لحاله ضباع=تنعي على طول الليـال اعيالهـا واخوانهـا
يالاكلبي دم السباع يبان من وجـه السبـاع=وانته لحالك والسبـاع تحـد فـي نيبانهـا
شجاع الأكلبي
الغدر ياسلطان مانومس خبيثيـن الطبـاع=اللـي تقـدم للملـوك أخوانهـا وأعيانهـا
وأنا العقاب اللي مواقيعه على روس الرفاع=والطم بمخلابي وجيه اللي تحـد أسنانهـا
سلطان العتيبي
ماقد سمعنا بالسفينه تبحر بدون الشـراع=يوم السفينه راسيـه والداهيـه قبطانهـا
ياللي تبا من زادنا نعطيك حسب المستطاع=لكن بلاش اكلب تعقـد للعـرب حجانهـا
شجاع الأكلبي
أهل ضرما مارد عنهم من خبر كود(0000)=وباقـي القبايـل فـي الجزيـرة معتلـي بنيانهـا
وشلون راعي المد يعطي من معه في الخرج صاع=ليت العـرب ياصاحبـي تجمـل مـع ضيفانهـا
سلطان العتيبي
المبخره وبخورها ذاعت ومعهـا الطيـب ذاع=شـم البخـور ولايغـرك يـاولـد دخانـهـا
ضاقت علاك الارض يوم الكون زاد ابي اتساع=والا عتيبـه دمكـم ماهـو مـثـل دمانـهـا
شجاع الأكلبي
بخورها في لحية اللي حولها لامنـه فـاع=يستاهله من جا حراويها وفـي وديانهـا
حنا عيال اللي ظهر صيته مع العالم وشاع=عيال وايل حاكميـن أسيادها وأوطانهـا
سلطان العتيبي
نويت اجنّب عن علومٍ ماتسام ولاتباع=قدام مضمون الرساله يختلف عنوانها
اليا تكلمنا رجاءًا انصتوا بالاستمـاع=انا ماجيب الهرجه الا جايبٍ برهانهـا
شجاع الأكلبي
أشوف بن شلاّح عوّد حامش ٍ فيه إندفاع=بأنصحك هوّن لا تطيع النفس مع شيطانها
أنته ليامن جعت يالنشمي تمنيت الشبـاع=والعافية تعجبك لو كان الفقـر بأوزانهـا
تحياتي للجميع