بغيت اتصل وأهني احبابنا بالعيد=وقالو لي اسهل بالوسايط يودونه
عسى عيدكم دايم سرور وفرح وإسعيد=على طاعة الله كل عامٍ ترودونه
ولعله عليكم كل عام وزمان ايعيد=بلم الشمل مع كل غالٍ تحبونه
وعسى الله يوكد عتقنا من لظى توكيد=نعيّد وجنة عدن للكل مضمونه
من ارض المصلى كل واحد يعود وليد=جميع الذنوب بساحل العفو مدفونه
هاذي يهنئه مُهداه من ناصر بن عبيد=بطاقه بدهن العود والورد مدهونه
بيوتٍ بعد غيبة شهر قلتها تجديد=عساها من الزلات والنقص مصيونه