[حلا نجد]

أدري مقصرـ معـــآك وفي محبتنــآ
....................وأدري مآتدرين ليه أسبآب تقصيري






لو دآم حبك ولو دآمت علآقتنآ
....................أنآ لغيرك يآقلبي وإنتي لغيري

لآزم نقوي على الفرقآ عزيمتنآ
....................لو كآن بعدك سبب همي وتدميري

عجزت لا ادبر ظروفن تحدتنا
....................ماقام حظي ولا فادت تدابيري

المجتمع والعوايد غصب حدتنا
....................ولا انتي اصلا زيادة خير في خيري

ولو ان قربك خطأ يا بيض رايتنا
....................يزيد قدرك غلا من زود تقديري

مآ دنسك كذب حآسدنآ وشآمتنآ
....................تبقين ورد العفاف ان زان تفسيري

لكن عزانا على الذكرى وضيقتنا
....................هذي الحقيقه ولا داعي لتبريري

يا غايتي يوم تنهينا نهايتنا
....................تعالي اخذي من اوجاعي تعابيري

انا وشعري وصلنا فوق طاقتنا
....................احزن وحزني يحبونه جماهيري

وفيت وانتي وفيتي مير خانتنآ
....................كل التفاكير واولها تفاكيري

واليوم ندفن بقايا حي ميتنا
....................ماعاد تحيي معاذيرك ومعاذيري

بعيش في سكة الذكرى بدايتنا
....................واسير لأحلامنا وانتي بعد سيري

تذكريني بياضن ساد منيتنا
....................تذكريني ولا يألمك تأثيري

تذكريني وعيشي في محبتنا
....................تذكريني فهد صنهات المطيري

مع السلامه خلص واقع حكايتنا
....................انا لغيرك ياقلبي وانتي لغيري

وصلت لأخر محطه في مسيرتنا
....................خط ولمشاويرك او تقصر مشاويري



)":


الشاعر
فهد صنهات المطيري