الوقت له دوره مثل دور الرحـــــــــا=يطحن قروم القوم ويذل الشـــــــــديد
عزي لمن هو نايم"ن" ولاصــــــــحا=ماحاز له فالمرجله أيّت رصـــــــــيد
لن عاش مايذكر ولن مات أنمـــــــحا=ويمكن تقول الناس ذا فرقاه عيــــــــد
يمسي على الهزله وفيها يصـــــــبحا=والهيّنه تمشـــــــــــــي بدمه والوريد
وأليا حشمته أشهد أنه ماأســــــــــتحا=فسّر سكـوتك خوف أبو قلب"ن" بليد
قام يتمــــــــــــــادى فالردى ثم أنتحا=مايدري أنا لاضـــــــــربنا من حديد
رد"ن" على مثله مايحســـب مربحا=الرد مع شرواه ينقــــــــــص مايزيد
بسكت وأنا أدري بأن ردي يجــــرحا=لأني من ملاغى الردي وش مستــفيد
وبقول لي كلمه مثل شمس الضـــــحا=أسمع صداها من قريب ومن بعيـــــد
كنت أحسب أنك كذب ياأسطورة جحا=وأثري مع العالم لقيــــــــتك من جديد