[الطامي]

تتصل رنه وأنا اكلمك من جوالي = والله اعلم وش تخبي بكره الفاتوره
يا حبيبي يا منى عيني وراحة بالي =يا غذا قلبي ودقة وانبساط شعوره
كل حرف تنطقه بلسان فم حالي =ينقشه قلبي كما الطبشور فالسبورة
بس ما تدري عن اللي بعدك بيجرالي = لا مغطت السالفه والصبح شعشع نوره
راح نص اليوم نوم ولا قضيت اشغالي =الدوام يفوت والاشغال تأخذ دوره
والبلا في الجامعة لو كان ابذر مالي =الغياب أن زاد ما تسمح لي الدكتورة
اتعذر 'باي' عذر وقتها يطرالي =واتهندس بالعذر واحط فيه خطوره
كل يوم اذبح ولد عمي واكسر خالي =واتعذر لاجل أجبر رجله المكسوره
كذب فال الله ولا فالي يا مشين فالي = لو يطول الوضع تصبح شجرتي مبتوره
كل هذا منك وانته مرجهن وسالي =مالك الا تتصل في الساعة المذكورة

للشعر / مبارك ال خليفه