سلام ياحرف العناء كانك تحبين الحروف
من بحر زاخر نعطي اللولو ونخفي الجوهره
بافتل من الجزل ان سمحتي لي فردي يالهنوف
ماجيت طالب شر جيت ابغي الجزال المبهره
اشوف حال الناس متغير وانا بين الصفوف
واقول يمكن بس انا نفسيتي متغيره
كنت انطرب للعيس في البيداء وهي فوق الخفوف
وكنت اعشق الوادي الخضر لاجاد في صيف امطره
وكنت ارسم البسمه على وجه المرايا والشفوف
وكنت اتحدى شعر ابوتمام والا عنتره
وكنت انبسط من نقع زير العرضه ودق الدفوف
وانزل في الميدان واسبق لو يكون الشنفره
واليوم اظن الشمس عقب سطوع مالت للكسوف
بغيت اطول فتل مادري قلت ياشيخ اقصره