ياصاحبي وش مشكله لو زادت اسعار الحديد=المشكله قوت الفقير اللي يده مامدها
قبل امس احدهم في البقاله راح ماخذ اللي يريد=يشيل حاجاته من اعلى ارفوفها ويردها
مافي يده مايدفعه قيمه ولا عنده رصيد=وديون راعي البيت والبقّال كيف يسدها
ياحي ياقيوم يارحمن لطفك بالعبيد=يارب وسّع في مداخيل العباد ومدّها
نمسي ونصبح واكثر الاشياء لها سعر جديد=مطامع التّجار من ياقفلها ويحدها
ماهي بتنزل عن معدلها الجنوني بل تزيد=وان مانظر في وضعها لابدها لابدها
تخلي المحتاج عن توفير حاجاته بعيد=واماله اللي كان بانيها عليه تهدها
ياخوانا التجار بالمعقول كل(ن) يستفيد=ارباحكم في خانة المعقول ماحداّ ضدها