السلام عليكم /
مشاركة مايبي
لها مقدمات ،،،
ضاع الوفاء
ضاع الوفاء والهجر في القلب ينساق = والكبد من طول المفارق جريحة
سهران ، أسامر، ساري النجم برّاق = بين الكواكب في سمانا الفسيحة
حبي وشوقي ، له عهود ٍ وميثاق = ما أطيع شور ، اللي يقول النصيحة
حب ٍ دفنته ، في ضميري بالأعماق = بين الضلوع ، وبين قلبي ضريحه
لو تختلف ، في صاحبي كل الأذواق = ذوقي أنا ، ثابت ، ولا احد ٍ يزيحه
يا عاذلي ، قلبي من الحب ما فاق = هايم بشوق ، اللي عيونه ، مليحة
خلاّ فؤادي في الحشا منه خفاّق = هنيكم ،، يا أهل القلوب ،، المريحة
نار الغلا في مهجتي تحرق إحراق = وكم قلتها له ، في ، عبارة صريحة
إمّا يجي ، يطفي لهيبي ، والأشواق = وإلاّ ، يروح ، وجعل ربي ، يبيحه
محمد بن عمار