[علي إدريس الغانمي]

يقلي يا علي وشفيك=علينا اثقيل يا عمري
أقله والقلب مفطور=عداك العيب يا عمري
أنا مقدر على فرقاك=وحق عيناك ياعمري
عجايب يازمن وياي=يعاتبني بعد عمري
أنا اللي دايما أهواه=كلامي دوم ياعمري
عسل صافي لسانه دوم =يكلمني بيا عمري
وتاليها يقلي شلون =تصير اثقيل يا عمري
أشوفك يا دهر غدّار= بتحسدني على عمري
كلامك يا عديل الروح=شعبني يا بعد عمري
وحق عينك صبرت اكثير=أناجي الروح يا عمري
نسيت إنك ينور العين = نسيت الود يا عمري
ولا ساعة أنا بنساك= صدق أنساك يا عمري
ومن عتبك عليه دوم = أخاف آقول يا عمري
كلام كبير, تالي تقول:=إليّه لا تقل "عمري"
يخوفي اتميل للهجران= وتنسى كلمتك"عمري"
حلفت إلكم قبل هاليوم =وبالأيمان يا عمري
كلام كبير هز الروح =أنا منساك يا عمري
تعال بسيفك البتار= وشق قلبي "بعد عمري"
تلاقي كلمةٍ اهناك =بداخل قلبنا"عمري"