الله اكبر وش اللي عاد تبغى نقول =بح صوتي وكثر الصوت ما ينفعك
في بداية هوانا كان طبعك خجول=يوم طرفك تغضه عند ما اودعك
كنت بهجة فؤادي في جميع الفصول=يوم اطالع ويحكي بالهوى مدمعك
كل يوم ٍادور عذر ادور حلول=يوم تشكي تقوللي ليه انا مسمعك
انتهى الحب الاول ياعديم الاصول=صرت اغمض عيوني لجل ما تتبعك
كان مسكنك وسط القلب عرض وطول=كنت اطيعك الى من شرت لي بصبعك
حبنا مات مثل الورد وقت الذبول=مسرعك خنت حب الصدق يامسرعك
هاجمتني جيوشك يا شبيه السلول=كم تحاول تحقق بالهوى مطمعك
انتهى الحب ماعاد لك معانا قبول=والله لوكنت وصله من يدي لقطعك
دام بان الهوى يغريك دق الطبول=رح بدربك حلفت اليوم انا ما امنعك
والله ماصدقك لو تعيد حلف الفضول=بابتعد عنك ونظر من بعد ينفعك