اقتباس:
عندي استفسار وهو الصرفيه !!
ممكن تعطيني الاجابه لما اعطيك المعطيات بدقه اكثر
3 وجبات يوميه
يوميا سينما
سهره تالي الليل (عاديه)
انا رصدت مثلا 70 دورلا ريوميا هل كافيه ام لا !! لاني رايح على نص جون وخايف اتوهق .....
|
اما سالفة سينماء يومياً فهذي صعبة لان الافلام بتقضي ولا عاد انت لاقي شي تتفرج علية.
طيب خلني افصل لك التكاليف اليومية حسب طلبك و نشوف كم تطلع.
الفطور : 10 دولار ( ممكن تاخذ فطور من مكدونلدز ولا يكلف الا 3 دولار)
الغدا : 20 دولار ( ممكن تاكل وجبات سريعة و اكل صيني و تكون التكلفة في حدود 7 دولار)
العشاء : 20 دولار ( ممكن تاكل زي الغداء و السعر حدود 7 دولار)
انا في الاكل حرصت اني احط سعر اكلة و وجبة محترمة و نظيفة و تكون متنوعة ، ما حرصت على الفاست فود لانه ماهو صحي و لا الاكل الصيني دايماً,
تذكرة السينماء : 12 دولار ( طبعاً السعر يختلف من محل الي اخر و احياناً من فلم الي اخر).
الفشار و المشروب في السينماء: 5 دولار.
المواصلات العامة : 5 دولار ( هذا يشمل الباصات و القطارات)
اما بالنسبة للسهرات فنا الحقيقة ما عندي فكرة عن مثلاً الدسكوات و ما شابة ذلك ، لكن اذا كان قصدك مثلاً البارات فالتكلفة تعتمد عليك ، مع العلم بان المشروبات عندهم شوي غالية ( البيرة بحدود 3 دولار)
المجموع مندون السهرات بيكون في حدود 72 دولار في اليوم.
اقتباس:
|
2- كيف البيتش (شاطىء ) حق فانكوفر واين يقع وهل فيه ناس وفله ويمديك تروح تاخذ لك برونزاج تالي الظهريه أو لأ!!
|
فانكوفير كلها شواطئ ، بس تركيزها في غرب و شمال فانكوفير.
و هذي بعض الصور.
انا ما فهمت وش تقصد بهاذي ، الرجاء الترجمة.
اقتباس:
|
3- و رايك بجامعه فكتوريا ؟
|
انا ما اعرفها شخصياً لكن المعلومات اللي اسمعها عنها انها كويسة.
اقتباس:
|
4- نظام التليفونات او الجوالات بالمعنى الاصح ... تكاليفها الخخخ
|
ممكن تستخدم جوالك السعودي ( ترا هذا شي جديد و ما كان موجود في السابق) او ممكن تاخذ بطاقة مسبقة الدفع ، و تكون في العادة غالية شوي تكلفة الدقيقة فيها ، او ايذا معك بطاقة ائتمانية ممكن تاخذ خط رسمي و تكون التكلفة فيها ارخص.
طبعاً سعر الدقيقة يعتمد على نوع الخطة اللي انت تختارها.
لكن الاسعار للمكالمات الداخلية بصفة عامة معقولة.
اقتباس:
5- افضل الاماكن الترفيهيه!! يعني كثير تكلمت لكن ماشفتك ذكرت ملاهي ... او شي .. يعني ذكرت حدايق وكذا ... هل فيه ملاهي كبيره زي ماتقول ديزني او اقل منها بس شي يكون على مستوى رفيع ؟؟
وولو كان في مكان اركيد .. مثل تراكاديروو في لندن ليتك تذكره....
|
انا ركزت على الاماكن السياحية بالدرجة الاولي و بالذات الطبيعية لاني من محبيها ، اما من ناحية الملاهي فافية وحده في شرق فانكوفير على شارع هيستنق ، بس تراها صغيرة بالمقارنة بالمعايير الامريكية.
و فية ايضاً صالة العاب الكترونية كبيرة ، و تعد من الاكبر في العالم في اسواق المترو تاون.
اقتباس:
|
وش تنصح رحلات بالويكند اسويها انا وشباب .. مثل نروح تورانتو (شلالات نياجرا) تكاليف + خط السير ...+ نصائح
|
انت تدري ان المسافة بين فانكوفير و مدينة تورانتو اللي فيها شلالات نياقراء هي حدود 5 ساعات بالطيارة.
و التذكرة في حدود 400 دولار.
يعني انساء شي اسمة رحلة نهاية الاسبوع.
انا الحقيقة انصحك بالتركيز على مدينة فانكوفير و مقاطعة برتش كلومبيا و هي اللي تقع فيها فانكوفير.
تبي تتعب من التمشي فيها و بتنبسط على الاخر.
لك اجمل تحية