أناابن مرداس فتى الجود شايع=أزبن المضيوم وريف القرايب
هولية ياربعي تسبون فاطري=تقولون له فاطر وراعيك شايب
ياما لحقت بفاطري كل بكره=وياما لحقت من عين شباب وشايب
ما ثنت بي فاطري عقب عشوه=دليلي ليا شدوا لعوص النجايب
ويامااوردت بي عقله هجعة الملا=يوم إن خليف الليل عند الحبايب
وياما على كورة ندوج الدويه=وياماعلى كوره ندورالحلايب
وياما دوجنا بالفلا فوق كوره=وياما سرت بي مع فروع الجذايب
وانا كما داب ليا غط نابه=عيا على القراي ولف العصايب
وانا زريـق البـل وانـا ذيبـه=يوم ان خليف الليل عند الحبايـب
كم عقلة وردتهـا بليلـة الدجـأ=وزاعو يزجون الغنـأ بالجلايـب
وانا دليل الوانيات عـن الضمـأ=دليلهـن ياروحـن بالحـلايـب
وياما سجنا هجمة من مفاليه=وياما خضينا من شخيل الحلايب
وياما ثنت خلف الروايا باللقا=ياثار عج معجلات الضرايب
عساك يابكاي من غير نايبه=عساك تبكي من كثير النوايب
إلا لمن يبكي لذة شبابه=مالوم من يبكي ليال الجايب
أبكي على زوبع ليا ابعدت بهم=سنين المحل فيها عجاج وهبايب
وابكي على خيلان زوبع ليا وجهت=طرش العدو اللي خذوهانهايب
وابكي على شمر ولا أحد يلومني=كرام النفوس مولعين الحرايب
وابكي على غلبا ولو دست عايبه=أهل المكارم مخلصين النشايب