[الطائر المهاجر]

السبت 30 سبتمبر 2017 ، 10 محرم 1439

منيع=
صباح الحريم اللي يبون السواقه=حقق لهم سلمان اللي يريدون
باالعصر الأول فوق خيل وناقه=واليوم بالكزس ورى مايسوقون
الطائر=
ساقن رجاجيل عليهم شفاقه=ترمب وغيره مثلهم ما يعوقون
منبع=
يعني مع السايق تراها لباقه=ولامسكت طاره وراكم تصيحون
الطائر=
خوف على السياره يجيها اعاقه=من كثر ما تفحط وناس يشوفون
هذا الرجل باسبابها دون طاقه = منيع وامثاله عليهن يشهدون
منبع=
البيض بيسوقن ولا لكم علاقه=رضيت ولا عمر جدك ياقيطون
ومنيع سواق ولابه طفاقه=لاساهر صادة وممشاه بالهون
الطائر=
المشكله ماهوب امر السواقه=ناظر بعدها ويش يحصل بامامون
ولابة او ارث بعد الافاقه = وحرية من دون مالرجال يبغون
الرجل يصبح خيشة لسد طاقه=من خلفها تعزف بطبل وقانون
منبع=
لاتسبق الاحداث مامن حماقه=بالعون والله عليكم يفوقون
وماالامورذات العلوم الدقاقه=بذي ولابدونها لاتحكمون