عرض مشاركة واحدة
قديم 07-10-2019, 10:48 AM   رقم المشاركة : 2
منيع
براهيم بن حمد/نائب المشرف العام
 الصورة الرمزية منيع






معلومات إضافية
  النقاط : 10
  الحالة : منيع متواجد حالياً

 

افتراضي رد: بعض ابيات الحكمة في الشعر النبطي


تركي بن حميد

اشوف عدلات الليالي مقابيس = ولاحد من الدنيا عظامه سلومي
تضحك وتخفيلك حفي الهناديس = تفطر لها يوم ويوم تصومي
أعمل وتلقى وأفهم العلم بالقيس = دنياك لو زانت تراها نقومي
قالوا جهلت وقلت جهل بلاقيس = الجاهل اللي مايعرف اليمومي
من لايدوس الراي من قبل ماديس = عليه داسوه العيال القرومي
ومن لايقلط شذرة السيف والكيس = تبدي عليه من الليالي ثلومي
ومن لاياخذ الدنيا بميز وتقييس = مثل الذي يبحر ببحر يعومي
القصر مايبنى على غير تأسيس = ومن لاتعلم ماتسر العلومي
واليا توافق مشى ورى السو وأبليس = تدر منه وستر ربك يدومي
كل القلم من كتبنا بالقراطيس = واركابنا من كثر الاذلاج تومي






توقيع منيع
 
  رد مع اقتباس