انا ليا هندب ضميري بهنداب=اخترت من جزل البيوت الجزالي
والبستها زين التصاوير جلباب=فرايدٍ فيها البهاء و الجمالي
تسلي الخاطر وتحضى ب الاعجاب= لو كنت طول الوقت ماني بسالي
فكرت ف الدنيا والايام بسهاب = والينها مابين مرً وحالي
كم واحدٍ منها مغربل ومنصاب =ويشيل حملٍ مثل حمل الجمالي
دنياً تزيد الهم وتشد الاعصاب =وميزانها لو يعتدل يوم مالي
مادامت لعنتر وبو زيد وذياب =الي بقايا مجدهم لا يزالي
كم حطمت هقوه وكم قفلت باب = واليوم فيها صرت كني لحالي
معاد يبقالي من اصحابي اصحاب =غدتبهم دورات سود اليالي
احدا غدا وحدً تبخر واحد ذاب =واحدٍ رخص من عقب ماكان غالي
وخترت عنهم طلبتي رب الارباب = الواحد الوالي عزيز الجلالي
فيه الرجا والظن باقي ولاخاب =مبدلً من حال حالٍ بحالي
مالي ومال الناس صادق وكذاب = يكفيني الي من وراهم جرالي
وشلون ادور من تردا ومن طاب =وانا على رب العباد اتكالي
ولا الرجال الي يفكون الانشاب =الياطرو للبال يستر بالي
لونهم حتى من الناس الاجناب=ارفع لهم يمناي ورفع عقالي
******
الشاعر : فهد شجاع العضياني