ارسل لي مبارك بن سالم ال سفران المري ابيات
يقول فيها :_
سهيل قرب مابقا غير يومين=وين انت يلي باالخلي لك مشاوير
ننهج جنوب يمه اسهيل ويمين=نطلع مع عرق وننزل محادير
نبغي لنا مشوارصوب الفراقين=يقال في نبت الزريقا نواوير
جهزت لي عزبه وضبطها زين=من السنيدي ماخذين سحاحير
الأوله مليانة بالمواعين=للطبخ ضاغط وللشوي فيه قصدير
والثانيه دله وغوري وبيزين=وبريه تجلي عماس المناعير
وقت المضحى نرتفع بين عرقين=في فلخ عرق ماتجيه الأعاصير
اول نهاره ما تطير الرياحين=هبابها ياتي من العصر وعصير
مخدتك رمل تلفه بكفين=وتنساء الحذايا كل ماجيت باتسير
ومعك الشقر لامن لاحق يعجب العين=الريش من كبد السماء له دعاثير
رديت عليه اقول :-
ارحب ومرحب يامندب عناوين =عشرة ابيات مسكته بالتعابير
نضمن ندور له وقاف وبراهين=ومعنى بيوت يخلي قلوبنا تطير
مضمونها المنهاج لبدو مقيمين=في قافر وبله حقوق وشخاتير
ايلين نبته يوم عدا السبوعين=يغري عقول المطوفه والمداوير
وان كان ابو سالم صمل لايخلين=انا الخوي اللي يحمل المخاسير
تسيور مع قنصه وخوة هل الدين =نامن بهم في العاقبه والمعابير
ان شيتني سواق حطاب وأعين=وان شيتني راعي معاميل باصير
وان شيتني صقار فيساري يمين=لن رغبتي في خوتك شكلها غير
ومقناصنا قفر بحرار وشواهين=عوق الخريش اللي على البعد بتنير
ومفراعنا من عقب ذا يسار ويمين =نوب حدور ونوب صوب الجباعير
ايلين نقطع قافر القاع شهرين =نعيشها في خير ونعود في خير