هلا اختي العزيزه ام فيصل
انا لفت انتباهي عنوان الموضوع وكان خاطري اشوفه من غير مااسجل بالمنتدى لكن ماقدرت اشوفه لين اسجل ... ولما قريته و قريت الردود ... قلت بكتب على الاقل احلل تسجيلي وتعبي ...
طبعا انتي موضوعك بصفه عامه كيف تنتقد صديقك ... طبعا ... للاسف احنا عند خلط بمصطلحات عديده من ضمنها صديق ... رفيق ... صاحب ... زميل ..
طبعا الصديق ... صديق نتقبله بكل عيوبه .... مهما تكون فهو الصديق الصادق الصدوق .... طبعا منو شرط صديقي يكون مثل صفاتي... نفس الطبقه الاجتماعيه او نفس التعليم .... اصلا بمجتمعنا الصداقه نادره جدا جدا ... لظروفنا الاجتماعيه .... احنا اكثر العلاقه عندنا الصحبه ....
شوفي يقولون قلي من صديقك اقول لك من انت هذا مثل بس انا اللي شفت في الحياه مااكد المثل هذا كثير ... طبعا في الحياه دايم السالب ينجذب للموجب ... مو معقوله يكون الاثنين ثرثارين ... مين بيسمع .... الا اذا انت وانتي بنتبرع .... مره انا ومره انتي ....
طلعنا من موضوعنا بس حبيت اوضح عشان انا بصراحه عانيت من الصداقه كثير كثير كثير .... كررتها 3
عزيزتي
اجمالا الانسان صعب يتغير بيوم و ليله .... النقد حلو ...
و بما انه صديقي يعني اعرف كيف اقوله الكلام و كيف هو بيتقبل ... هل هو حساس اوعادي.... هل يسمع الكلام او لين بكره اقوله و انبه والله مايدري عن الدينا هذا سيفوه وهذا خلاجينه ( خلاجينه يعني زي شنطه شايلها فيها ثيابه )
اجمالا الكلمه الحلوه صدقه
يعني لازم ننبه الشخص العزيز علينا باسلوب حلو و وقت صحيح (يعني بساعه صفى )
يعني عن خاطرج ممكن تلفتينه انتباه بدعابه واقول والله لولا هالثرثره كان ماصادقتك بس ترى لا يحسدوني الناس على اذاني مستحملتك ... و ضحكه قصيره جدا
اسفه اذا طولت عليج بس ان شاء الله وصلت فكرتي للجميع