يا الله يا فراج يا وال الافـراج=يا مبدّل عسـر الليالـي بلينـي
تفرج لمن بيته على جال مسهاج=متوحدٍ ما كـن عنـده قطينـي
وليا سرى من عندنا كل هـرّاج=يا زين خبط ارقابهن هاظلينـي
وقولة هلا قـدّام يثنـن الادراج=من خاطر ٍ ما فيه كنّة وشينـي
ومنارةٍ ناخذ حطبهـا بـالارواج=ونار ٍ سناها يوقـظ النايمينـي
مع دلتين فيهن البـن قـد راج=واربع طباخٍ تقعد المضرمينـي
وسريت يم مربّية سود الانعـاج=واسوم بالمعروف محداً يلينـي
وليا فصلته بالثمن قال محتـاج=هذا ولد شاتي كبيـر وسمينـي
واخذتها مالي عن الطيب منهـاج=يا الله يا ربـي لمثلـي تعينـي
وليا تعشوا وانسمح كـل بـلاج=عقب الشفاحة عوّدوا لليقينـي
وسوالفٍ لين اول الصبح ينباج=وتـلاوذوا باكورهـن راكبينـي
ريح الشحم معهم يعجعج تعجعاج=وامخضبات ارقابهن من يمينـي