أقرَّ الله عينكِ ياجفوني= فقد أعتقت من رقِّ السهادِ
وياعيني لك البشرى فنامي= وتهنيك السلامة يافؤادي
نزعتُ عن الهوى وبرئتُ منه= إليك وكنت دهري في جهاد
غفر الله لي ما أكذبني وأنا أردد هذه الأبيات صباح مساء.. ! وتبقى الحقيقة ...
تعبت اداري الكلمة واجامل زيد وياعبيد = تعبت من التصنع ياسعد ارجوك ساعدني
أنا - ياللأسف - عاشق .. سراب اللال والتنهيد = وتوأم روحي جروحي .. عن العبرات يمنعني
بقايا كبرياء وصبر ونفحة كلمة التوحيد = وكم كلمة تقول ارجوك تركد يافهد دَعني
اخيل الليل بغيابه مطر هم ومطر تنكيد = واصيح :الليييل ياطولك ! يرد سهيل : وش يعني ؟
واردد كلمة الشاعر ( أبو الطيب ) نهار العيد= قصيدة كل مرت خيالي حيل توجعني
ياليت( الليل ) يوم اقبل يجي دونه سراب وبيد = مدام انك على جمر الغضى ياليل تزرعني
لك الله يا (غريب الدار) وينك يا( عنود الصيد) = تبي ترحل ؟ على كيفك!! لكن من يرجعني ؟!
يوقفني على حد الهيار ويطلب التمديد=عجيبة !! كيف في كلمة .. يواعدني / يوادعني ؟!!
يعيشيني صدى الماضي ولايرضى سوى التجديد=يدخلني دهاليزه.. يصر إلا يطلعني
سألته ليش أنا بالذات ؟! سألته ليش بالتحديد =تكلمني ولا ترضى بنفس الوقت تسمعني ؟
تلعثم وانبهر حِسه وزادت نبرة التهديد=وقال ارجوك لا اشوفك !! وبعد شوي طالعني !
برضه كذاااب
