السلام عليكم ورحمة الله وبركاته..
احبتي ..بمناسبة العيد لا يسعني إلا ان اتقدم لكم باحر التهاني والتبريكات بعيد الفطر المبارك..أعاده الله علينا وعليكم باليمن والمسرات..وتقبل الله منا ومنكم صيام شهر رمضان.وعساكم من عواده سنين عديده...
وإليكم هذه الابيات...بعنوان زف التهاني..اتمنى ان تلاقي الاستحسان من القارئ الكريم..
اقفى رمضان الله يعيده علينا=ويَقبَل صيامي وكل مسلم يصومه
ونعيش عيده والفرح حل فينا=ونعايد الاحباب وفضله نرومه
يا كل مسلم بالرساله هوينا=زف التهاني لحضرتك في قدومه
ولحلا تهاني إنزفها لك لقينا=وردٍ بطيب الريح ينعش شمومه
مخصوص لك وحبابك الوالدينا=وخوان وخلان وخوال وعمومه
وبالعيد ما يكلف علينا اجمعينا=نطلب اله الكون يشفي محرومه
اللي على فرش المرض جاضعينا=في شدة الاوجاع صحوه ونومه
في فرحة الاعياد هم امحزنينا=اطفال وشيبان وشباب وأمومه
يالله يا الخالق طلبنا ورجينا=تشفيهم وأنت الكرم في عمومه
عبدالله الشويمان-الرعد