[داعي الشوق]

عندما قرأت قصيدة للشاعر الكبير / منيع ( ابراهيم بن حمد )

الجديدة التي سماها موديل ( 2009 )

وهي التالية :

،،،،،،،،،،،،،،،،

مشاعري عجزت تضيفك على البال = مالك مجال وداعـي الشـوق عيـا
دامك رخصت الودابشر بالاهمـال = ماعد لك فـي داخـل القلـب فيـا
من اول غالـي ولـك دوم منـزال = بلغـت بـه ياصاحبـي للثـريـا
واليوم ملت وكل شيٍ معـك مـال= مالي ومـال اللـي بهـم عنهجيـا
من لاصفى لي بالشدايد والاهـوال = وقت السعة مالي بضحـك المحيـا
خوينـا لاصـار بالـود محتـال = مــاوالله يعنيناولافـيـه حـيـا
نتعب على الطيب ولااندور ابـدال = اخوثقـه مامـون مافيـه غـيـا
هذا هوى روحي على كل الاحوال = ولالـي بغيـره صاحـبٍ لوتهيـا

جاءت القصيدة المتواضعة التالية

صدى لذلك

،،،،،،،،،،،،،،،،،،

عواطفي ثارت على القاف يا رجال = من يوم شفت منيع هاض و تهيا
كنّه دعاني و قال بالقاف موال = يا داعي الاشواق وشبك عليا
هيضتني يا منيع و القلب ميال = وانا على الموال قلبي نديا
تشكي من اللي كدّر وعكر الحال = اللي سلب عقلك وقلبك سويا
الغالي اللي كان لك مضرب امثال = الغالي اللي كان حلو السجيا
درب الوفا يا منيع يا طيب الفال = يصعب على اللى كان طبعه كذيا
كم واحد قبلك شكى سوء الافعال = عقب التصافى نال جور و أذيا
كم غالي أرخصنا له الحال والمال = كان الجزا يامنيع جاوز مديا
منهو وفا بالكيل نوفيه مكيال = و إنرجح الميزان لجله عطيا