على بالي ..على قلبي ..على عمري.. على بابي..
يجول الطيف وتشب الحنين اجراس همساتك..
وتشعل ذاكرة عيني من الجفنين لاهدابي..
اذا مريت بحدود النظر من بعد غيباتك..
امد الشوف بكفوف الوله والشوق وعتابي..
واحط الروح في روح المساء لعناق نظراتك..
ابسال حتى مايذبل شعور يبعثر اعصابي..
على وين القمر سافر وسافر ضيء بسماتك..
سالت الليل وعيون السهروالكل نادى بي..
وتلعثم كل حرف من الشعر نادى مسافاتك..
سالت الصبح وطيور الفجر والعطر بثيابي..
وتمتم كل مابي يشتكي لي بعد خطواتك..
سالت الريح واشجار الشوارع هي تسلا بي..
على لحن الجروح تعيش ماتعرف محطاتك..
تعال وشوف شباك الخفوق مشمع ولابي..
سوى ليل وسهر وآمال تشعلها بومضاتك..
حبيبي كان تسمعني تعال وضمد صوابي..
ولف الجرح بكفوفك عليها وخل نبضاتك..
تدق اجراس بيباني وتحضن بوح ترحابي..
اذا فاح الوله واشعلت جمر الشوق في ذاتك..
وابيك تبوح لي وتهمس يااول واخر احبابي..
على وين القمر سافر وسافر ضيء بسماتك
تحياتي للجميييييييييييع
السفيرة