( بيبي )

[عبدالله راشد الثويني]

السلام عليكم والرحمه


الصراحه انا من المعارضين وبشدّه لـ مايسمـّـى بالبيبي سواء كيرف ولا طيرف بكل أنواعه
قلتها من بعد ماشفت اغلب مستخدمينه منزلين روسهم ماغير يطقطقون فيه الواحد تجلس معه ساعتين ولا يقولك الكلمه لاهي الله لا يفتنـّـا الا بطاعته يسولف مع فلان وعلان اربع وعشرين ساعه
وانت ياللي جايه وعاني له وعلى الطبيعه ماهو يمّـك ههههههههههههه

وقلت هالكيبورديّـه لعلها تروق لكم

شفت الرجال إمدنـّـقه في وقتنا يابو سعود = من سبّت ( البيبي ) ، عسى ربْ الخلايق يقلعه
مالوم من مايملكه لو صار فالمجلس ينود = دامه يعيد السالفه ، ويزيــد مَحد(ن) ، يسمعه
ماينــّذكر نفعه لو إنه عاد بعلومه يجود = اضراره السودا بـدت .. وآخفت بريق المنفعه
صرت آتمنـّـى لو يعود الوقت لآيام الجدود = ماكان ضعنا يابعد حـَـيي بوسط المعمعه

[حوريه]

صــرت آتمـنّـى لــو يـعــود الـوقــت لآيـــام الـجــدود

الله المستعان
تسلم ياعبدالله على روعه الأبيات
ودي وتقديري

0
0

[كظيم]

انا اشهــــد

صح لسانك وفكرك يالسمــح
انا اشهـد إنك جزل وابيــات جزله
ابدعت في حبكهـا
والله المستعــان
والحمدلله اسمع فيه البيبي ولا اعرفه
تقبلني وتقبل مروري المتواضع لاهنت
ودي وتقديري

[عبدالله الشويمان]

صح السانك يا السمي..

ابيات عن 100..لجزالتها وهدفها..

دمت بخير ولا هنت

[سناعيس]

والله انك صادق يالسمح
صارت الجلسه معهم ممله
وتحس انهم طاحو بتقنيه ماحسبو حسابها
يعني بصراحه احمضوبها هههه
لاهنت
ابيات جسدت الواقع المرير

تحياتي

[داعي الشوق]

صح لسانك مليوون يا بو راشد

[منيع]

ههههههههه
كل وقت مايستحي من وقتة
شكرا لك
تحياتي

[عمر ال شيبي]

صح لسانك لا هنت ابد

[الطامي]

الثويني
صح السانك
اي والله انك صادق
لاهنت اخي

[طوفـــان]

نعممم ، هذا الكلام

مادري من وين جانا بلانا ...

تسلم يالسمح على هالأبيات الجزلة والواقعية ..

تحياتي لكـ