خافي الونـّة

[محمد بن عمار]

السلام عليكم

.

هنا موطن الألم

.

أحاول أزرع البسمة ، بثغـر ٍ يلفظ الونات = على آمال ٍ بقلبي قد توفت مع أمانيها
دفنت آمالي بصدري بعد ماماتت بلحظات = وواسيت المشاعر مرسل ٍ فكري يعزيّها

.

عندما تتمحور ترسبات العقل الباطن في نقطة
اللاعودة ، تموت الآمال والأماني موؤدة بصعـق
الذكريات فيكون الصدر ضريحاً لها ويتولى الفكر
مراسم الدفن والعزاء ومواساة المشاعروكل هذا
بطريقة ديناميكية داخل المخيلة ،،، حلقوا معي
في سماء مخيلتي ...! وهذه المشاركة .

.

خافي الونـّة

.

توقـّظ هاجس أفكاري يذكّرني زمان ٍفات = يصّورلي ليال ٍ في الحقيقة كنت ناسيها
جلست أسترجع الذكرى على ماشفت من حسرات = من أيام الطفولة عقلي الباطن يقاسيها
أحاول أزرع البسمة ، بثغـر ٍ يلفظ الونات = على آمال ٍ بقلبي قد توفت مع أمانيها
زرعتك في شفاه ٍناشفة من قلة البسمات = لأجل تحيا عروق ٍ ميت ٍ إحساسها فيها
ودفنت آمالي بصدري بعد ماماتت بلحظات = وواسيت المشاعر مرسل ٍ فكري يعزيها
أغالط نفسي بنفسي وأقول إن الأمل مامات = ولي عشرين عام ٍ صدمته مازلت أعانيها
رسمتك واجهة مستقبل ٍ إغتالته طعنات = جحودك ، والهجر خصلة بطبعك ما أدانيها
فرشتي الهم في جوفي وغطيتيه بالزفرات = توسدتي الخفوق وخافي الونة صنعتيها
وأشعلتي لهيب البُعـد في وسط الحشا شمعات = أخذتي نورهن ، والنار في قلبي تركتيها
بذرتك بالصدر زهرة تغذى من رحيق الذات = وجففت الموارد بالعروق وصرت اراعيها
أخذتي من خلاصة صحتي ماطاب من ميزات = وتركتي لي جروح ٍ غايره إحترت أداويها
تناسيت الجروح وقلت أبا أفتح للأمل صفحات = ولكن ..! سيرة الفرقا مع أفكاري تباريها
لمحت النور في وجهك شعاع ٍ غاشي النظرات = ورمش ٍ واقف ٍ دون العيون السود حاميها
شهقت وقلت لك عمري خذيه وهاتي العبرات = أبا أبكي وألمح البسمات في الوجنة مواريها
ولوإن الفرح ماقد تكرّم في العمر ساعات = ولكن قلت أبا أصنع ، فرحة ٍ لعيونك أهديها
عزفتك باللحن مّوال وغنيتك مع الأبيات = كتبت بحبر من دمي ، قصيدة لك أغنيها
وفي بحرك طويت شراعي وسلمّت للموجات = تقاذف لين يرسي مركبي بأبعد شواطيها
وأنا ما أملك دليل اللي تسوينه ولا إثبات = سوى قلب ٍ يحبك ، والشهادة جاحد ٍ فيها

.

مودتي وتقديري
محمد بن عمار

[بنت النور]

لون جميل بس انا اخترت هذي الكلمات
ولوإن الفرح ماقد تكرّم في العمر ساعات
....... ولكن قلت أبا أصنع ، فرحة ٍ لعيونك أهديها
عزفتك باللحن مّوال وغـنيتك مع الأبيات
..........كتبت بحبر من دمي ، قـصيدة لك أغنيها

الشاعر العذب محمد بن عمار يسعدني ان اتواجد في بوحك
صح لسانك ملاييين ولله درك على هذاالإبداع الشعري المختلف
تجيد رسم المفردة الشعرية بمقدرة كبيرة
لتتيح لنا فرصة الخيال والتحليق عبر معاني حرفك
كل التقدير لك وماعدمناك

[الهريش]

درة ثمينه
صح لسانك
ولا هنت
احترامي وتقديري

[الطائر المهاجر]

لمسات ابداعية خاصه
صح لسانك وقلبك
ولاهان راسك
تحياتي وودي

[منيع]

مبدع ورائع ومميز
تسلم ياابن عمار
تحياتي

[سعود بن سنيد]

	رسمـتـك واجـهــة مستـقـبـل ٍ إغتـالـتـه طـعـنـات جحـودك ، والهجـر خصلـة بطبـعـك مــا أدانيـهـا فرشتـي الهـم فــي جـوفـي وغطيتـيـه بالـزفـرات توسـدتـي الخـفـوق وخـافــي الـونــة صنعتـيـهـا ارحب ارحب صح لسااااااااااانك يابن عمار انت مبدع كلمه حق والحق حق ولا معى الحق اشتباه تقبل ازكا التحايا

[مشعل التريباني]

لون جميل بس انا اخترت هذي الكلمات
ولوإن الفرح ماقد تكرّم فــــــــــي العمر ساعات
....... ولكن قلت أبا أصنع ، فرحة ٍ لعيونك أهديها
عزفتك باللحن مّــــــوال وغـنــــــيتك مع الأبيات
..........كتبت بحبر من دمي ، قـصيدة لك أغنيها
الله الله الله
محمد بن عمار
لاستطيع الا ان اقول
لافظ فوك وهنيئا لك
على هذا التالق وهنيئا
لنا بتواجدك المميز تحياتي

[الـزلـزال]

محمد بن عمار

نص رائع وجميل
من شاعر رائع ومتميز في كل حروفه الشعرية
أبدعت وأمتعت شاعرنا الراقي
دمت ودام حرفك لنا

صح لسانك ملايين ملايين

تقبل فائق تحياتي وتقديري

[حي الضمير]

رااائعه ياشاعر الروائع وابدعت
ومدد صح لساانك شاعرنا بن عمار

[الطامي]

شهقت وقلـت لـك عمـري خذيـه وهاتـي العبـرات
أبـا أبكـي وألمـح البسمـات فـي الوجنـة مواريهـا
ولـوإن الفـرح مـاقـد تـكـرّم فــي العـمـر سـاعـات
ولكن قلـت أبـا أصنـع ، فرحـة ٍ لعيونـك أهديهـا
،،،،،،،،،،،،،،،،،،،،،،،،،،،،،
يابن عمار ماهو انا الا انت اللي بدعت مستمر في مقارنة الاضداد من المجاهيم الله يعينك عليهم
صح السانك ملايين يالغالي
شكرا لك