ترى الصلب يُكسر ... مثل ما يُعصر الليّن

[علي القرني]

السلام عليكم ورحمة الله جديدي آمل ان يرقى لسمو الذائقه



على حالنا المنكوس والمؤسف المحزنْ = نزفت القصيد .ودرهَمَت دمعة القيفان
تموت الهقـاوي . كلما خاب حسن الظنْ = ولا خاب (ظني والرجا) فيك يارحمان

تقول العرب ... احرص وحذراك لا تخـوِّنْ = وانا قول : لا تآمن وتحكم ، بلا برهان
وخل التجارب مرجعك ....واسطبر وافطن = فلا يكـفي العنـوان عن ما ورا العنـوان

ولا تآمن الدنيا ...... اذا ما اقبلـن واعطـن = فيا سرع ما تتبدل افراحها .... بأحزان
بها المؤمن الكافر ......بها الكافر المؤمن = بها الرابح الخسران والخاسر الربحان

ترى الصلب يُكسر ... مثل ما يُعصر الليّن = ولا تنحني. يرقى على ظهرك السعدان
ولا ضيّع الاحسان ...... مثل الريا والمــن = ولا يحفظ المعروف . كالشكر والعرفان

ومن لا يخاف الـله .... فيما أُئتـمن خايـنْ = ولا اخْوَن من الي خانت الدين والأوطان
خباث النّبا .. شر الدّبا .... الـْ هبـا. ياهـنْ = هل الغدر.ظلمى الفكر . هدامة البنيان

عليهم سهام السام .وامـّا .السلام . أبـدن = عدوك يهان .. وجانبـك ياوطن منصـان
جروح الوطن جمّه . وجرح الإبن يثخن = لا خان الوطن.والكلب رغم النجس ماخان

على سفك ... دم المسلـم الساجد الآمن = تسن الحـراب ... وتدعي منهج القـرآن
موازينـنا اختـلت ........ وكفـاتهـا مالـن = كفـوف المصالح ... ميّلت كفة الميزان

تصفحتـها .. يآكثر ممحي ... ومـا آدون = وياقل من يصدق . ويوفي. من الخلان
تهجـيتهـم يا صـاح ... مـا بيـن أن... وإن = ومن مدّهـــم للشد ... للبــحـر للشطئـان

وصنّـفتـهـم صنفيـن : صافـي ... ومتلـوّن = لقيت الصفي يوفي .. ولا توفي الألوان
وجوه النفاق (ا)تهـان .. ولّا الحيـا ما من = حيا/ أو رجا أو طيب بالجرْذ والحنشان

ياكم مرّني المحتاج في هيئة المحسن = مثل لو يجي الحطاب في ملبس الدهان
وكم وجه رحب بي .. وهو بالقفا يطعـن = قصيـر الذراع . وبالخفايـا طويـل الـْسان

على الله ذو الركن الشديد. أَتِّكِل واركـن = عزيز الجنـاب وكل شيٍ سـوى الله فـان
نحرت الجزيل . الي مثيـل السلا والمـن = بها يشبع الجايـع ويروى بها العطشـان




........................


مع ازكى التحايا : علي القرني

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[منيع]

مبدع وجزل
شكرا لك
تحياتي

[داعي الشوق]

وكم وجه رحب بي .. وهو بالقفا يطعـن = قصيـر الذراع . وبالخفايـا طويـل الـْسان

على الله ذو الركن الشديد. أَتِّكِل واركـن = عزيز الجنـاب وكل شيٍ سـوى الله فـان
نحرت الجزيل . الي مثيـل السلا والمـن = بها يشبع الجايـع ويروى بها العطشـان

صح لسانك مليووووووون
ولاهنت يا لشاعر

ابداع وجزاله

[بنت النور]

صح لسانك وعتلى شانك
ابيات في قمة الروعه
لاهنت
تقديري لسموك

[الطامي]

ولا تآمن الدنيا ...... اذا ما اقبلـن واعطـن = فيا سرع ما تتبدل افراحها .... بأحزان
بها المؤمن الكافر ......بها الكافر المؤمن = بها الرابح الخسران والخاسر الربحان

ترى الصلب يُكسر ... مثل ما يُعصر الليّن = ولا تنحني. يرقى على ظهرك السعدان
ولا ضيّع الاحسان ...... مثل الريا والمــن = ولا يحفظ المعروف . كالشكر والعرفان


القرني قلت فأجدت
صح السانك
ولاهنت

[عبدالله الشويمان]

يا سلام يا اقرني قلت فابدعت

صح لسانك واعتلا شانك

دمت بخير ولا هنت

[ضاامية الود]

اخوي علي القرني صح لسانك وبوحك
علي الرايعه تحياتي وتقديري لك