30-01-2007, 01:02 PM
|
رقم المشاركة : 1 | |||
|
السلام عليكم
بدون تصفيف كلام بقول اللي عندي وهي وجهة نظر شخصيه ومن زاويه ضيقه  بصراحه انا ماني متابع عدل للبرنامج لكن اذكر قبل لاينعرض وتتضح ملامحه كنت اشوف الدعايات عنه وكنت اقول بنفسي خير وبركه بس عساه مايكون مثل برنامج امير القوافي اللي كان في قناة الراي من قبل بدا البرنامج وشفت بعض الحلقات الاولى بصراحه ( يدبلون الكبد ) خليته ولاتابعت لين اخر الوقت اشوف البعض يسالوني شرايك بهذا وهذاك وشرايك باللي سوى فلان رديت اشوف ( بعض الحلقات ) عشان اكون عارف باللي يصير ومن باب يمكن يتغير شي بس ماتغير شي اول شي بابدا من الايجابيات اللي انا اشوفها بهالبرنامج من الايجابيات اعطاء فرصه لظهور البعض وتعريه بعض الشعراء الحاليين وتعريف الجمهور بمستواهم ايجاد مساحه وبديل (( للفاضين حيل )) للابتعاد عن قنوات الاغاني و (( ستار اكاديمي )) ..... حاولت القا ايجابيات اخري مادري ليش ماحصلت ياليت احد ينورني ـــــــــــــــــــــــ السلبيات.. لاتتوقعون اني بسطر مليون سلبيه انا ما اشوف الا سلبيتين الاولي هي آليه تاهل المشاركين واقصد التصويت طبعا والسلبيه الثانيه هي >> اللجنه << واللجنه هذي بفصل فيها شوي عشان يوضح ليش قلت انها سلبيه هم خمس اشخاص اردني واماراتي وسعودي وكويتيان !! من منهم مؤهل انه يقيم الشعراء ؟؟؟!!! الدكتورالاردني.. دكتور باللغه العربيه حسب ماقيل لي ولا ننسى انه اردني يعني بالضروره تغيب عنه معاني بعض الكلام الخاص بالخليج وانا سمعت بنفسي تعقيب له علي احد الشعراء أكدلي وجهة النظر هذي ومشكلة الدكتور هذا انه ينظر للمشاركين انهم مايفهمون (( طبعا الاماراتيين لهم نظره مختلفه )) منين جابوه و منين حطوه !! هو رجل له مؤلفات وتصنيفات وخصوصا لشعراء الامارات ورغم هالمأخذ اللي عليه الا انه افضل اعضاء اللجنه في التقييم >>> مع انه مو خليجي ! حمد السعيد .. مادري ليش قريب علي القلب (( يمكن لانه جهراوي )) بس لاحضت انه في البدايات كان جرئ في النقد اما تالي يكتفي بالاطراء والمجامله والتشجيع لكن هل مستوى قصائده تؤهله انه يقيم غيره !!؟ (( لانه من ربعنا بسكت عنه )) المسعودي .. معروف انه روائي في الغالب ولا ادري اذا كان يكتب اشعار لكن ماشفنا منه شي الا الابتسامه الله ايديمها وبقول هل هو مؤهل يقيم ؟! تركــي .. وجزي البرنامج خير انه خلا هالمجموعه تنشهر حسب ماعرفت تالي انه ماسك الاشراف في صفحات شعبيه ولا قريتله قصائد اذا كان يكتب اصلا انا منزمان من بدا البرنامج كل ماسالني احد عن رايي فيه اقوله مزهريه ماله شغل باللي صاير ولا لاه دور شكله داش بالغلط بس زين ايسوي بردوده وملاحظاته هو يتكلم بس بس فعليا مايقول شي وهذا ذكاء عشان مايفضح نفسه ولا يبين اي شي بس كشخه الولد ( مزهريه ) بس فاضيه وآخرا ولا اقول اخيرا الاماراتي .. هذا بصراحه مبين انه مجتهد ويحاول انه يسوي شي بس حسب اللي شفته وسمعته ان كل عشر طقات تصيب وحده والباقي فاشوش لكن محترم وجرئ طبعا لايغيب عن بالكم ان اغلب الشعراء المشاركين مستواهم اعلى من اللجنه الموقره هذي بحد ذاتها ماساه كيف يقيمني من هو اقل مني ؟!!؟ فتجد المصخره اللي حصلت في بعض الحلقات بين بعض الشعراء واللجنه ولا ألوم الشعراء ولا أعذر اللجنه حتا لو كانت غير مؤهله والسبب انهم يقرون القصائد قبل لايقولها الشاعر يعني عنده خلفيه ويقدر يسأل غيره اذا مايعرف ــــــــــــــ اخيرا انا البرنامج هذا توقعتله السقوط وهو الان في الطريق للهاويه لكن الشي اللي مخليه يقاوم للان هو الدعم المادي !والضيوف اللي يدعونهم في الحلقات ... ـــــــ لي عوده باذن الله ـــــــ |
|||
|
|
30-01-2007, 08:37 PM
|
رقم المشاركة : 2 | ||
|
|
يعيني التويجري معه حق يوم رفض تقييمهم |
||
|
|
|
30-01-2007, 09:30 PM
|
رقم المشاركة : 3 | |||
|
شرهتك على اللي يعرف هو على اية قناة ... |
|||
|
|
|
31-01-2007, 02:15 AM
|
رقم المشاركة : 4 | |||
|
ابو عبد الله |
|||
|
|
|
31-01-2007, 10:32 PM
|
رقم المشاركة : 5 | ||
|
|
|
||
|
|
|
01-02-2007, 02:57 AM
|
رقم المشاركة : 6 | |||
|
رايك حلو ولو اني ما اتفق معاك باغلبه |
|||
|
|
|
01-02-2007, 07:05 AM
|
رقم المشاركة : 7 | ||
|
|
كاريزمي |
||
|
|
|
01-02-2007, 06:59 PM
|
رقم المشاركة : 8 | ||
|
|
يكفي انه فضح بعض نجوم المجلاي |
||
|
|
|
01-02-2007, 07:03 PM
|
رقم المشاركة : 9 | ||
|
|
يكفي انه فضح بعض نجوم المجلات |
||
|
|
|
02-02-2007, 04:35 AM
|
رقم المشاركة : 10 | ||||
|
اقتباس:
ــــــــــــــ انا توني الحين تابعت حلقه من الحلقات يعني حلقه متقدمه يعني الشعراء متاهلين يعني مفروض يعرفون اساسيات القصيده !! استغرب ان شاعر يكرر نفس القافيه بنفس المعني بقصيده عدد ابياتها 6 ؟!؟!!؟ شلون ايتاهل اساسا ؟؟؟ ــــــــــ الشي الغريب اللي لمسته في هالحلقه ان اللجنه احكامها ولا استثني احد فيهم كلهم ( وبلا استضناء ) نظراتهم في التقييم معكوسه 180 درجه يعني بالغزل قالو عن العتيبي انه اقلهم مستوى مع انه اروعهم بالغزل وقالو عن القحطاني احسنهم مع انه قصيدته محد فاهمها ( حسب مفهومي ان القصيده هدفها نك تعبر عن مشاعرك والفكره اللي براسك بشكل جميل ) بس مادري وينهم رايحين هاللجنه ــــــــــ وبالحكمه كان افضلهم الاماراتي واقلهم القحطاني بس كذلك اللجنه عكست التقييم ( وبعدين اعتقد ان القبه تقال للبحر ومافيه قبه نهر !!! ) واللي تابع بيعرف شاقصد ــــــــــــ هذا شي لاحظته وحبيت اكتبه قبل مانساه |
||||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
شعار المليون .. نظره خاصه
